ЛА Лејкерс и покрај петтата последовна победа не успеаја да влезат во плеј-фот. Актуелните шампиони ќе разигруваат со Голден стејт Вориорс за место во плеј-офот и дуел со Финикс Санс во плеј-офот.

Лејкерси завршија на седмото место во Западната конференција, Вориорс се осми. Победникот ќе игра против вторпласираните Финикс Санс. Поразениот од овој дуел, за осмата позиција и дуел со Јута Џез во плеј-офот, ќе разигрува против победникот од дуелот помеѓу Мемфис Гризлис и Сан Антонио Спарс.

На истокот, за седмото место ќе играат Бостон Селтикс и Вашингтон Визардс. Поразениот за осмото место потоа ќе се бори против победникот од пресметката помеѓу Индијана Пејсерс и Шарлот Хорнетс.

Познато е дека на истокот во првата плеј-оф рунда ќе играат Њујорк Никс (4) и Атланта Хокс (5), односно Милвоки Бакс (3) и Мајами Хит (6). На западот познати се двојките Денвер (3)-Портланд (6) и ЛА Клиперс (4)-Далас (5).

Последното коло во Ла Лига, кое решава за титулата, нема да се одигра во недела, туку ден претходно. Ла Лига го смени распоредот поради настапот на Виљареал во финалето, во Лига Европа.

Виљареал, за трофејот во Лига Европа, ќе игра на 26.мај против Манчестер јунајтед. Клубот побара, а Ла Лига го прифати барањето, колото да се игра во сабота, за да му овозможи на тимот да има ден повеќе за одмор и подготовка за финалето.

Во последното коло Виљареал ќе гостува во Мадрид кај Реал.

Се топи предноста на Новак Ѓоковиќ на АТП листата. Српскиот тенисер, не успеа да ја одбрани титулата на Мастерсот во Рим, поради што остана без 400 бодови. Ѓоковиќ со 11.063 поени ја започна својата 321 недела на првото место, на АТП листата.

Ѓоковиќ, се уште има добра предност во однос на Данил Медведев (9.793). Ѓоковиќ, сигурно ќе биде прв до почетокот на Ролан Гарос, а веројатно и по завршувањето на овој Гренд слем.

Медведев треба да го освои Ролан Гарос за да го престигне Ѓоковиќ.

Трет на оваа листа е Рафаел Надал, со 163 поени помалку од Медведев. Можно е Надал, до почетокот на Ролан Гарос да одигра еден турнир за да се врати на второто место.

Во Топ 5 на АТП листата се уште и Доминик Тим (8.445) и Стефанос Циципас (7.430).