Спорт
Глупоста на Мерцедес беше скапа за Расел, прва победа по 190 трки за Серхио Перез!

Серхио Перез, мексиканскиот ветеран, конечно стигна до својата прва победа во Формула 1 кариерата по 190 старта, триумфирајќи за Рејсинг поинт на Сакир ГП во Бахреин, откако Мерцедес се „самоубија“ и го спречија Џорџ Расел да стигне до славна победа во трката во која беше само замена за Луис Хамилтон. Мексиканецот нема место за следната сезона во Формула 1, откако Рејсинг поинт (следната година како Астон Мартин) се решија да го заменат со Себастијан Фетел.
Перез на крајот заврши пред Естебан Окон во Рено, а неговиот колега Ленс Строл го освои последното место на подиумот, откако Мерцедес направија неверојатна грешка со погрешниот избор на гумите во боксот со Расел и со освојувачот на пол-позицијата Валтери Ботас. Ботас на крајот беше осми, Расел заврши на деветтото место.
Трката започна со нов инцидент во кој трката ја завршија Шарл Леклер во Ферари и Макс Ферстапен во Ред бул, иронично по контактот токму со Перез. Расел, пак, го презеде првото место од Ботас и го покажа својот неверојатен талент со оддржување на предноста, пред инцидент на неговиот тим, Вилијамс да предизвика излегување на безбедносното возило на десетина круга пред крајот.
i don’t care what anyone says, but george russell is a future world champion pic.twitter.com/CHfo9aAapk
— kit (@landocherry) December 6, 2020
Тогаш, Мерцедес направија аматерска грешка, помешувајќи ги гумите и поставувајќи му погрешен сет. Поради тоа тие го повикаа повторно во боксот и тој излезе како шести зад Ботас, оставајќи го Перез на првото место.
22-годишниот Расел, повторно покажа дека е подготвен за борба, поминувајќи ги сите пред себе (повторно Ботас) и останувајќи само зад Перез, кога имаше дупната гума и мораше уште еднаш да влезе во боксот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ориги го промаши невозможното, Барнли е првиот клуб кој славел на „Енфилд“ од 2017!

Иако цела сезона се мачат со повредите на дефанзивците, кризата во нападот на Ливерпул продолжи откако и покрај поседот од речиси 70 отсто загубија на „Енфилд“ со 0:1 од Барнли, прекинувајќи ја неверојатната домашна низа на англискиот шампион од 2017 година.
Со 13 обиди на голот само во првото полувреме, Ливерпул најголемата шанса ја пропушти преку Дивок Ориги, кој излезе само пред голманот Поуп, но не го погоди голот, туку само пречката.
#Origi Nooooooooooooooooooooooooo pic.twitter.com/BeaK02pYNO
— @Khaltsha_tv (@Khaltsha_tv) January 21, 2021
Во второто полувреме, тој беше сменет со Мохамед Салах, а во игра влезе и Роберто Фирмино, но голот на Барнли остана сочуван, за во 81. минута да биде досуден пенал, кој Ешли Барнс го реализираше за Ливерпул да биде поразен дома првпат од 23 април 2017 година (кога Кристал палас победи со 2:1).
Ливерпул останува на четвртото место на табелата со 34 поени, дури 6 зад лидерот Манчестер јунајтед и 4 зад второпласираниот Манчестер сити, кој има натпревар помалку. Барнли пак, се 16-ти со 19 поени, седум над зоната за испаѓање.
Спорт
Барса утна два пенали, ќе мора на продолженија со третолигашот Корнелја

Тоа што требаше да биде дуел на два различни каталонски клуба по големина, огромната Барселона и третолигашот Корнелја, на крајот стана неверојатен меч во кој прволигашот утна два пенали во регуларните 90 минути од 1/16 финалето на Копа дел реј и сега мора да игра продолженија за да избегне слична судбина како Реал, кои вчера испаднаа од Алкојано.
Прво во 39. минута, обидот од бела точка на Миралем Пјаниќ заврши во рацете на 21-годишниот голман на малиот каталонски клуб (кој игра на вештачка трева), Рамон Хуан Рамирез, за потоа во 79. минута, шанса за пласман да пропушти Усман Дембеле, кој имаше неверојатно лош обид во средината на голот за лесен плен за Хуан.
Ramon Juan Ramirez (Cornella) penalty save against Barcelona 80'pic.twitter.com/cx1cwQ0OcB
— noobfcb (@noob_fcb) January 21, 2021
Cornella vs Barcelona Second penalty miss Dembele pic.twitter.com/eEcG80fJss
— mignola arbeloa (@mignolaalvedon) January 21, 2021
Спорт
Реал „падна“ и во Израел

По поразот од Црвена звезда, Реал Мадрид доживеа уште еден незгоден пораз во Евролигата, овојпат на гости кај Макаби Тел Авив, кои предводени од Тајлер Дорси стигнаа до 86:84 победа.
Дорси имаше 30 поени, 4 скока и 3 асистенции, за Макаби да се одмазди за поразот во деветтото коло во Мадрид (79:63) и да го подобри скорот на 10-11 во трка за место во плејофот. Треј Томпкинс ги предводеше „кралевите“ со 20 поени, 6 скока и 4 асистенции, Алберто Абалде додаде 13, а Реал падна на 13-8 скор.
Зенит Санкт Петерсбург, пак, за малку ќе пропуштеше предност од 23 поени во второто полувреме, но сепак, стигна до 85:78 победа над Анадолу Ефес, прекинувајќи ја низата од три победи на турскиот клуб.
Вил Томас имаше 10 поени во првата четвртина и заврши со 14, додека Остин Холинс и Кевин Пангос имаа по 13 поени. Василије Мициќ имаше 23 поени, 5 скока и 4 асистенции за Ефес, а Шејн Ларкин стигна до 20.
ЕВРОЛИГА, 21.КОЛО
Зенит Санкт Петерсбург – Анадолу Ефес 85:78 (28:15, 25:16, 11:24, 21:23)
Панатинаикос – Химки 94:78 (23:20, 23:13, 24:18, 24:27)
Макаби Тел Авив – Реал Мадрид 86:84 (24:33, 21:13, 18:20, 23:18)
Асвел Лион – Валенсија 90:77 (17:17, 23:17, 21:20, 29:23)
Армани Милано – Баерн Минхен 75:51 (20:10, 22:10, 21:15, 12:16)
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот