Спорт
Гојак со голчиште – Динамо, Звезда и Олимпијакос во Лигата на шампиони (видео)
Црвена звезда, Динамо Загреб и Олимпијакос успеаја да влезат во групната фаза на Лигата на шампиони, оставајќи само уште место за три клуба (кои ќе се дознаат утре) за елитното клупско натпреварување.
Динамо Загреб патуваше во Норвешка со 2:0 победа од Хрватска, но рано почна да се „тресе“ против Розенборг, откако домаќините уште во 11. минута постигнаа гол преку Акинтола и доминираа во првото полувреме, во кое „модрите“ немаа ниту еден удар на голот. Сепак, Амер Гојак во 71. минута, Амер Гојак постигна фантастичен гол од над 20 метри за да израмни на 1:1, по што домаќините мораа да постигнат уште три гола за да одат понатаму.
Sometimes, Dinamo are an absolute joy to watch. Amer Gojak smashes them into the Champions League group stage with this strike of sheer beauty. pic.twitter.com/O5B6OvoVJR
— Richard Wilson (@timomouse) August 27, 2019
Црвена звезда дома го пречекуваше швајцарскиот Јанг бојс по интересните 2:2 на гости, и до последните десетина минути имаше предност од 1:0 откако Алекса Вукановиќ во 59. минута од мечот убаво ја смести топката во голот со глава по уште поубавото нафрлање на Родиќ. Но, во 81. минута популарниот Бен си постигна автогол за да има нервозен финиш на мечот на „Рајко Митиќ“, пред Звезда да осигура второ последователно учество во групната фаза на ЛШ.
Најмалку неизвесност имаше во Краснодар, откако во првиот меч Олимпијакос победи со 4:0, и грчкиот клуб уште еднаш триумфираше против рускиот клуб (2:1).
ЛИГА НА ШАМПИОНИ, БАРАЖ, 2.НАТПРЕВАР
Црвена звезда – Јанг бојс 1:1, прв натпревар 2:2, вкупно 3:2
Краснодар – Олимпијакос 1:2, прв натпревар 0:4, вкупно 1:6
Розенборг – Динамо Загреб 1:1, прв натпревар 0:2, вкупно 1:3
ЦРВЕНА ЗВЕЗДА – ЈАНГ БОЈС
РОЗЕНБОРГ – ДИНАМО ЗАГРЕБ
КРАСНОДАР – ОЛИМПИЈАКОС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.