РЕ-Балканкан
Ѓоковиќ: Го учам син ми кога навива да го почитува противникот

Tенисерoт Новак Ѓоковиќ откри како го насочува својот син Стефан сега кога јуниорот е присутен на речиси секој натпревар на Партизан во Евролигата.
Новак сериозно ја сфаќа пасијата на Стефан, разбира дека понекогаш амбиентот може да го „повлече“ и затоа како родител е внимателен.
Новак, како што е познато, е чест гостин на натпреварите од Евролигата на Звезда и Партизан, почесто секако на натпреварите на својот црвено-бел тим, но и на секој натпревар од Евролигата навива за својот вечен ривал. Нема проблем со тоа што неговиот наследник навива за ривалски клуб.
„Се надевам дека испраќа добра порака. Некои зборуваат дека сум му дозволил на син ми да навива за Партизан, а јас сум звездаш. Прашуваат како јас како татко можев да го дозволам тоа? Не му дозволив ништо, ниту го направив тоа за да му угодам на некого, но на син ми му дадов избор да го поддржи клубот што го сака и да се чувствува како што сака. Тоа е суштината на сè“, објасни Новак во интервју за „Вечерње новости“.
Тој го учи својот син Стефан на фер, спортски дух и почит кон противниците.
„Му кажав на син ми дека, што се однесува до мене, може да оди на натпреварите на Партизан, дури и кога играат со Звезда, како што беше случајот неодамна, па сите заедно одевме како семејство. Но во моментот кога ќе го слушнам како ги навредува играчите на Звезда, или пее навреди против најголемиот ривал или некои други тимови, во тој момент завршува неговото присуство на спортските натпревари. Тој тоа го знае и го почитува засега“, рече Ѓоковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
(Видео) Почина основачот на групата „Нови фосили“

Маринко Колнаго, еден од основачите и долгогодишен член на групата Нови фосили, почина на 83-годишна возраст по кратко и тешко боледување. Веста е објавена на нивната официјална страница на Фејсбук.
Маринко Колнаго, басист и еден од основачите на легендарната екс ју група, е единствениот член кој свирел во овој култен поп бенд од самиот почеток, уште во 1969 година, а чии песни живеат и денес.
„Драги пријатели, со голема тага соопштуваме дека нашиот добар дух Фосил, нашиот драг Маринко, не напушти. Неизмерно ќе ни недостига. Маринко, засекогаш си во нашите срца“, се вели во објавата.
Лани групата имаше концерт во Скопје.
Забава
Северина по концертот на „Бјело Дугме“: „Запеј Југославијо моја“

Хрватската пејачка Северина присуствуваше на концертот на Бијело Дугме во Загреб, а по тој повод се осврна и на состојбите во регионот, но и на она што Бијело Дугме значеше за Југославија – „земјата чие име не се споменува“.
Северина на социјалните мрежи се пофали со снимки од концертот на Бијело Дугме на кој присуствуваше со Алка Вуица, а додека позира со Бреговиќ и Ален Исламовиќ, покажа и како пее во дует со Арената во Загреб.
„Во поранешна Југославија, земја чие име не се споменува (сега се нарекува „регион“), имаше многу, но само еден бенд беше Бијело дугме. Почетокот и крајот на ерата што веруваше во рокенролот, на југот и во сето најдобро што доаѓа со него. Таа рамка и тоа време, што и да беа, ги произведоа најдобрите музичари, а на престолот Бјело дугме“, рече Северина.
View this post on Instagram
Таа потоа откри дека нејзината прва плоча што ја купила, со нејзината најдобра пријателка, била „Приспивна за Радмила М“.
РЕ-Балканкан
Се роди бебе во такси во Црна Гора

Бебе во Никшиќ, Црна Гора, се роди во такси. Мајката почувствувала болка и тргнала на породување, но не дочекала да стигне до болницата, јавуваат црногорските медиуми.
Мајката и бебето по невообичаеното породување веднаш биле згрижени во болницата во Никшиќ.
„И мајката и бебето пристигнаа во болница со такси. Веднаш по приемот беше пресечена папочната врвца и беа завршени сите други постпородилни процедури. Бебето е одлично, тешко 2.330 грама при раѓањето“, потврдија во болницата во Никшиќ.
Храбрата мајка од Никшиќ, која на необичен начин го донесе на свет своето бебе, има 27 години.
Сличен случај имаше и во Македонија пред четири години, кога велешанка се породи во такси пред да влезе во болницата.
Според тогашните натписи во медиумите, кога стигнале пред болницата, таксистот ја отворил вратата од автомобилот и повикал помош од медицинските сестри. Папочната врвка беше пресечена во возилото.