Спорт
Голчиште на Озил, Фенер во 95. минута до победа кај Галата
Месут Озил го постигна својот најубав гол по трансферот во Фенербахче, но херој на мечот беше Португалецот Мигуел Креспо, кој во 95. минута стрелаше за 1:2 победа на неговиот тим во „интерконтиненталното“ дерби со Галатасарај во уште еден бурен меч од Турската Суперлига
Керем Артукоглу во 16. минута го донесе Галатасарај во водство, но потоа следуваше најубавиот потег на мечот, соло акцијата на Озил во 31. минута за израмнување. Само во првото полувреме беа доделени седум жолти картони, а Фенербахче во 83. минута остана со играч помалку по вториот жолт картон на Марсел Тисеран. Мбаје Диањ само минута подоцна ја затресе мрежата на Фенер, меѓутоа голот беше поништен поради фаул. Тогаш на сцена во 95. минута стапи Креспо кој со убав удар донесе три поени за Фенербахче и прекинување на низата од четири меча без победа.
Фенербахче сега се петти во лигата со 23 поени, седум зад лидерот Трабзонспор, додека Галатасарај се осми со 21 поен.
GOL | Galatasaray 1–0 Fenerbahçe
⚽16′ Kerem Aktürkoğlu#GSvsFB pic.twitter.com/8qUTz95GJv
— Medya Ofisi ? (@MedyaOfisi) November 21, 2021
MESUT OZIL SCORED IN DERBY!
GOAL: 31′ Galatasaray 1-1 Fenerbahce (#Ozil)
Follow for more goals @ronaldmorgan_ pic.twitter.com/b8rdsgK1vj
— Ronald Morgan (@ronaldmorgan_) November 21, 2021
GOL | Galatasaray 1-2 Fenerbahçe, 90+4' Crespo pic.twitter.com/m7TPuvjlDn
— Mustafa (@mustafatuzkayaa) November 21, 2021
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-62-37466”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.