Спорт
Пенг е безбедна, гарантира претседателот на ИОЦ по видео-разговорот
Претседателот на Интернационалниот олимписки комитет (ИОЦ), Томас Бах имал видео-разговор со Пенг Шуаи, по што потврди дека кинеската тенисерка е „сигурна и безбедна“, но побарала да се почитува нејзиното право на приватност.
Со ова, најверојатно, се става крај на случајот околу наводното „исчезнување“ на двократната гренд слем шампионка во двојки, Пенг, која не беше видена од 2 ноември, кога на социјалните мрежи го обвини поранешниот кинески вицепремиер, Жанг Гаоли, за силување, во инцидент кој се случил пред 10 години.
По ова следуваше кампања на дел од тенисерките и тенисерите кои побараа да се гарантира безбедноста на тенисерката, а се активираше и ВТА турнејата. Ниту видеата на кои Пенг беше во ресторан во Пекинг не ги разубедија критичарите, но сега ИОЦ велат дека е сигурно дека таа е безбедна.
Во видео-разговорот од 30 минути покрај Бах учествуваа и членовите на спортската комисија на ИОЦ, Ема Терхо и Ли Лингвеи.
„Таа објасни дека е безбедна, дека живее во својот дом во Пекинг, но дека сака да се почитува нејзината приватност. Времето ќе го поминува со своите пријатели и семејството, а потоа ќе биде вклучена во тенисот, нејзината љубов“, се вели во објавата на ИОЦ по оваа „тивка“ дипломатска победа.
Бах исто така ја поканил Пенг на вечера кога ќе пристигне во Пекинг за Зимската Олимпијада следната година и таа го прифатила тоа.
Today, IOC President Thomas Bach, the Chair of the IOC Athletes' Commission, Emma Terho, and IOC Member in China, Li Lingwei, held a video call with three-time Olympian Peng Shuai from China.
Read here: https://t.co/qUmvaEtIHH pic.twitter.com/UoxtCeHS20
— Athlete365 (@Athlete365) November 21, 2021
Кина објави две бизарни видеа да докаже дека Пенг е „слободна“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.