Норвешкиот интернационалец Ерлинг Халанд ова лето го засили Манчестер Сити, но другите европски великани уште отсега планираат да го купат во наредниот период. Најзаинтересиран се чини дека е Реал Мадрид.

Откриени се двете откупни клаузули во договорот на Халанд со „граѓаните“.

Првата откупна клазула може да биде активирана во 2024 година, тогаш Халанд може да замине ако некој клуб за него плати 200 милиони евра.

Втората клазула важи една година подоцна и за неа откупната клазула е 175 милиони евра. Англиските закони не дозволуваат класична откупна клазула, но тие се поврзани со одреден ефект на теренот, а поставените услови за Халанд се лесно остварливи.

Португалскиот стратег Нуно Еспирито Санто кој работеше во Премиерлигата во Тотенхем и во Вулверхемптон, ќе ја продолжи кариерата во Саудиска Арабија. Тој е нов тренер на Ал-Итихад.

Португалецот беше без работа од ноември минатата година и го прифати предизвикот со Ал-Итихад да се бори за шампионската титула во новата сезона.

Минатата година Ал-Итихад заврши на второто место во првенството на Саудиска Арабија.

Српскиот интернационалец Лука Јовиќ го напушта Реал Мадрид и се сели во Серија A каде ќе го носи дресот на Фиорентина. Интересни е дека „кралевите“ нема да бараат отштета само за да се ослободат од неговата плата и комплетно да го продадат.

Првата сезона, Реал Мадрид ќе има обврска да плаќа половина од неговата годишна плата, но потоа тој комплетно ќе биде член на Фиорентина.

Лука Јовиќ е едно од најголемите трансферни промашувања во историјата на Реал Мадрид. Дојде пред три години од Ајнтрахт Франкфурт за 65 милиони евра. За споредба, Реал Мадрид плати 18 милиони евра повеќе обештетување за Јовиќ отколку за Винисиус Жуниор, кој дојде во клубот една сезона порано. Сепак, Србинот за две и пол години во Реал имаше мизерен ефект од три постигнати гола и пет асистенции на 51 натпревар.