Спорт
Јокиќ и Дончиќ ја предводат најдобрата петорка во НБА лигата

НБА лигата ги објави најдобрите три петорки за оваа сезона. Најдобрата петорка очекувано ја предводи МВП играчот на сезоната, Никола Јокиќ, а му се придружи и Лука Дончиќ, кој трета година по ред е избран меѓу петте најдобри во светот.
Заедно со српскиот центар и со словенечкиот волшебник, во првата петорка се и двојниот МВП, Јанис Адетокумпо, ѕвездата на Бостон, Џејсон Тејтум и најдобриот стрелец на најдобриот тим во регуларниот дел од сезоната, Девин Букер. За првпат од 1955 година, ниту еден од членовите на првата петорка нема повеќе од 27 години, што е доказ дека НБА лигата влезе во нова ера и дека следната генерација е веќе на сцена.
The 2021-22 Kia All-NBA First Team:
? Giannis Antetokounmpo (Milwaukee)
? Devin Booker (Phoenix)
? Luka Dončić (Dallas)
? Nikola Jokić (Denver)
? Jayson Tatum (Boston) pic.twitter.com/D0H6GEDrea— NBA Communications (@NBAPR) May 25, 2022
Во втората петорка покрај Ембид (Филадефија) се и Џа Морант (Мемфис), Стивен Кари (Голден Стејт), Кевин Дурент (Бруклин) и Демар Дерозан (Чикаго).
Леброн Џејмс се најде во третата најдобра петорка и 18. сезона по ред ја заврши како член на еден од овие состави. Заедно со суперѕвездата на ЛА Лејкерс, се и Крис Пол од Феникс, Треј Јанг од Атланта, Паскал Сијакам од Торонто и Карл-Ентони Таунс од Минесота.
The Kia All-NBA First Team is made up entirely of players age 27 or younger for the first time since the 1954-55 season.
More ➡️ https://t.co/nzFuNn37iT
Voting results ⬇️ pic.twitter.com/62uiQpWv4o
— NBA Communications (@NBAPR) May 25, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реал ја победи Борусија Дортмунд

Списокот на учесници во полуфиналето на Светското клупско првенство е комплетиран. Во последниот натпревар од четвртфиналето на стадионот „Мет Лајф“ во Њу Џерси, Реал Мадрид ја победи Борусија Дортмунд со 3:2.
Чаби Алонсо за нешто помалку од еден месец колку што е тренер на Реал, на големата сцена го промовираше Гонзало Гарсија.
Момчето од клупската академија го постигна четвртиот гол на првенството, моментално е израмнет на првото место на листата на стрелци и е сериозен кандидат да биде главен хит на ова прво клупско Светско првенство.
21-годишниот централен напаѓач му донесе водство на Реал во 10-та минута по асистенцијата од Арда Гулер. Неговиот имењак Фран го зголеми резултатот на 2:0 десет минути подцна.
Реал ја држеше предноста до финишот, а потоа во судиското надополнување беа постигнаи уште три гола.
Максимилијан Баер намали на 2:1 во 92-та, а една минути подцна Килијан Мбапе му ја врати на Реал предноста од два гола. Хујсен во 95-та минута доби црвен картон, а Гираси од пенал во 98-та минута го постави конечниот резултат.
На крајот, може да се каже дека херој е Тибо Куртоа, кој во десеттата минута од судиското продолжение го одбрани ударот на Марцел Сабицер, со кој Реал обезбеди пласман во полуфиналето на Светското клупско првенство.
Во полуфиналето, Реал ќе игра против актуелниот европски шампион, Пари Сен Жермен. Флуминенсе и Челзи се среќаваат во второто полуфинале.
Спорт
Томас Милер го одигра својот последен натпревар за Баерн

Легендата на Баерн и германскиот фудбал, Томас Милер, го одигра својот последен натпревар во дресот на Баварците. Фудбалерите на Пари Сен Жермен го победија тимот на Баерн со 2:0 и се пласираа во полуфиналето на Светското клупско првенство во САД.
Томас Милер играше за германскиот тим во финишот од натпреварот. 35-годишниот фудбалер влезе на теренот во 80-та минута наместо Кингсли Коман и тоа беше неговиот последен натпревар во дресот на Баерн.
Германскиот ветеран не доби нов договор и во април го објави своето заминување од Минхен на крајот од сезоната.
Томас Милер е дете на Баерн, целата своја кариера ја помина со Баварците. Дебитираше за првиот тим во 2007 година и одигра вкупно 756 натпревари, постигна 250 голови и запиша 276 асистенции.
Тој е еден од најтрофејните фудбалери во историјата. Во дресот на Баерн, освои точно 33 трофеи.
„Danke für alles, Томас!“, објави Баерн на социјалните мрежи со емотикон од срце.
Спорт
Игор Жесус го засили Нотингем Форест

Бразилскиот репрезентативец Игор Жезус се пресели од Ботафого во Нотингем Форест.
„Шумарите“ објавија дека потпишала четиригодишен договор со 24-годишниот фудбалер, до летото 2029 година.
Клубовите не ја објавија сумата на трансферот, но медиумите известуваат дека станува збор за околу 10 милиони фунти (околу 12 милиони евра).
Жезус ја започна својата професионална кариера во бразилскиот клуб Коритиба, потоа играше за Шабаб Ал Ахли од Обединетите Арапски Емирати пред да се приклучи на Ботафого во 2024 година.
Напаѓачот одигра 59 натпревари за клубот од Рио де Жанеиро во сите натпреварувања и постигна 17 гола.
Тој особено се истакна на Светското клупско првенство, помагајќи му на Ботафого да се квалификува во нокаут фазата, постигна два гола, вклучувајќи го и победничкиот гол против европскиот шампион Пари Сен Жермен.
Foto/ EPA-EFE/JOHN G. MABANGLO