Најдобриот тим во регуларниот дел од сезоната, во НБА лигата, Јута Џез, не успеа да се пласира во конференциското финале. Јута Џез со 4-2 ја загубија серијата од Лос Анџелес Клиперс. На домашен терен, Клиперси славеа во шесттиот меч со 131:119.

Без најдобриот играч, Каваи Ленард, Клиперс до победата ги однесе Теренс Мен. Бекот на Клиперс постигна рекордни во кариерата 39 поени. Мен е првиот играч на Клиперси уште од 1997 година, кој постигнал 20 или повеќе поени во една четвртина.

Мен го раздвижи својот тим во третата четвртина, кога Клиперси успеаја да ја надополнат негативата од 22 поени, колку што водеше Јута на полувремето. Во третиот период Клиперси се доближија на пет поени негатива, а потоа во решавачкиот квартал го прегазија противникот.

Покрај Мен, кај Клиперси блескаа Пол Џорџ со 28 и Реџи Џексон со 27 поени и 10 асистенции.

На Јута не и помогна ниту Донован Мичел, кој повторно одигра маестрално, постигна 39 поени.

Лос Анџелес Клиперс во финалето на Западот ќе играат против Финикс Санс.



Филаделфија Севентисиксерс, во Атланта, изборија мајсторка за пласман во финалето на Истокот. Шестиот меч кошаркарите на Филаделфија го добија со 104:99.

Севентисиксерс, со исклучок на првата четвртина, имаа предност, Атланта го следеше нивниот ритам, но не успеа во финишот да направи пресврт. Во последните минути, се случи инцидент, кога настана голема мешаница на теренот, по грубиот фаул на Џоел Ембид врз Џо Колинс.

Проблем за Атланта е повредата на Богдан Богдановиќ. Српскиот репрезентативец поради повреда на десното колено не играше во второто полувреме.

Тобајас Херис и Сет Кари со по 24 поени ја предводеа Филаделфија, Џоел Ембид забележа 23 поени и 13 скокови.

Во редовите на Атланта блескаше Тре Јанг со 34 поени, 12 асистенции, 5 скока и 3 украдени топки, Кевин Хуртер постигна 17 поени, на кои придодаде 11 скокови.

Мајсторката во Филалделфија на програмата е во понеделник.



Aнглија и Шкотска се сретна на „Вембли“ во најстарото фудбалско репрезентативно дерби (првиот меч се одигра во далечната 1872 година), а и покрај тоа што „трите лава“ беа сметани за апсолутно фаворити, на крајот мораат да бидат задоволни што освоија поен против инспирираните Шкотланѓани.

За разлика од првиот меч на Шкотска, поразот од Чешка, овојпат „тартан армијата“ покажа дека со доволна мотивација може да ги испоти и најдобрите репрезентации на светот, нешто што треба да биде „закана“ кон Хрватите, со кои ќе играат одлучувачки меч во последното коло за пласман во осминафиналето.

Англичаните имаа подобар старт на мечот, кога Џон Стоунс ја погоди стативата по еден фантастичен скок, а потоа и Фил Фоден имаше неколку шанси, но Шкотланѓаните се заканија преку Че Адамс и го кренаа нивото на играта при крајот на полувремето.

Во второто полувреме, Шкотска беше поактивна, додека од другата страна Англичаните беа безопасни, посебно преку вечерва слабиот Хери Кејн, кој беше заменет од Маркус Рашфорд.

Графика: Sofascore за Топспорт.мк

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1687-26542”));