Спорт
Голот на Пандев за историја во конкуренција за најубав во баражите

Голот на капитенот на македонската фудбалска репрезентација, Горан Пандев во Грузија кој донесе историски пласман за Македонија на Европското првенство е во конкуренција за најубав погодок во изборот на УЕФА, во рамки на сите четири бараж мечеви кои завчера го затворија првиот циклус од Лигата на Нации.
На ремек делото на Пандев помогнато од Елмас и Несторовски конкуренција му се голот на Рајан Кристи за Шкотска со кој гостите поведоа со 0-1 во Белград.
Победоносниот погодок на Доминик Собослаи за Унгарија против Исланд (2-1) исто така е во конкуренција, а четвртиот гол кој може да му го земе приматот на Пандев е дело на Михал Дуриш, кој погоди во продоженијата за победа на Словачка против Северна Ирска од 2:1.
За најубав гол може да се гласа на интернет страницата на УЕФА.
https://www.uefa.com/uefaeuro-2020/video/goal-of-the-round/#/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јунајтед не го дава Магваер

Иако Хари Магваер има уште една година од договорот, Манчестер јунајтед не размислува да го прдаде искусниот дефанзивец.
Според „Мејл Спорт“, клубови од Премиер лигата и Серија А изразиле интерес за него, но „Црвените ѓаволи“ без размислување ги одбиле понудите.
Договорот на искусниот стопер истекува следното лето, а двете страни сè уште не седнале да преговараат за продолжување на соработката, но Магваер изразил желба да остане.
Неговиот статус се подобри со доаѓањето на Рубен Аморим, бидејќи беше на излезна врата до неговото доаѓање и речиси се пресели во Вест Хем.
Турските гиганти, како и Марсеј и Монако, исто така се заинтересирани за Магваер.
Фото/ Принскрин
Спорт
Челзи донесе уште еден Бразилец

Бразилскиот фудбалер Естевао Вилијан официјално стана нов член на Челзи, објави англискиот клуб.
Во јуни 2024 година, Челзи постигна договор со Палмеирас за Естевао да се пресели на „Стенфорд Бриџ“ откако ќе наполни 18 години.
„Многу сум среќен и задоволен што го претставувам Челзи, еден од најголемите клубови во светот. Се надевам дека ќе му помогнам на тимот на најдобар можен начин. Чекав речиси година и пол за да дојдам тука, работев напорно и се трудев најдобро што можам да бидам во најдобра можна форма“, рече Естевао.
Последниот натпревар на Естевао за Палмеирас беше против Челзи во четвртфиналето на Светското клупско првенство, кога постигна гол во поразот од 2:1.
Бразилскиот фудбалер дебитираше за сениорската репрезентација во септември минатата година, за која одигра пет натпревари.
На 17 август, Челзи ќе игра против Кристал Палас во првото коло од Премиер лигата.
Спорт
Астон Вила се засили со напаѓач на Ница

Астон Вила одлучи да доведе нов напаѓач, изборот на клубот е Еван Гесан.
Напаѓачот на Ница, кој има 24 години, е роден во Франција, по потекло од Брегот на Слоновата Коска.
Одиграл 109 натпревари за Ница, постигнал 21 гол и забележал 15 асистенции, но тоа не ги покажува сите негови вредности, бидејќи може да игра на сите позиции во нападот.
Вакво засилување му беше многу потребно на Унаи Емери, бидејќи Астон Вила не ги откупи договорите на Маркус Рашфорд и Марко Асенсио.
На Астон Вила очајно ѝ е потребна силна напаѓачка ротација, под услов Оли Воткинс даостане. Воткинс, според англиските медиуми е цел на Манчестер јунајтед и Њукасл. Неговата иднина зависи од одлуката на Бенјамин Шешко, за чии услуги исто така интерес покажуваат споменатите клубови.
Фото/ Принскрин