Британските таблоиди последните денови се опседнати со таканаречениот случај „Wagatha Christie“, односно судскиот спор помеѓу Колин Руни, сопругата на Вејн Руни и Ребека Варди, сопругата на Џејми Варди, а посебно интересно беше сведочењето на легендарниот англиски напаѓач Руни.

Тој денеска пред судот тврдеше дека тогашниот англиски селектор Рој Хоџсон побарал од него а зборува со Варди за да му порача сопругата Ребека да се „смири“ за време на Европското првенство во Франција во 2016 година.

„Тука сум под заклетва. 100 отсто зборував со господинот Варди. Ако тој сакаше да го пренесе тоа до неговата сопруга, тоа е негова работа. Рој Хоџсон и неговиот помошник, Гери Невил побараа од мене како капитен да зборувам за тоа, иако беше незгодна ситуација. Барањето беше да не се прават проблеми на теренот кои не се потребни“, вели Руни, кој беше капитен на таа репрезентација.

Спорот го води сопругата на Варди, Ребека, поради нарушувањето на угледот од страна на Колин Руни. Проблемите меѓу двете сопруги на фудбалери почнаа откако Колин Руни ја обвини Ребека Варди дека давала информации на англиските медиуми за нејзиниот приватен живот.

Сопругата на Варди ја тужи за клевета сопругата на Руни!

Сопругите на Варди и Руни во „лута“ преписка на Твитер

Реал Мадрид најверојатно ќе има нов втор голман за следната сезона, пишува „Марка“. Причината е тоа што Андриј Лунин сака поголема минутажа и подготвен е да замине во друг клуб, со оглед на фактот дека речиси и да не добива шанса за настап крај Тибо Куртоа.

Реал ќе мора да бара нов голман за следата сезона, а тренерот Карло Анчелоти ќе се насочи кон Давид Оспина од Наполи. 33-годишниот чувар на мрежата оваа сезона имаше 33 настапи, но договорот му истекува и се очекува летово да го напушти тимот од Неапол како слободен играч.

Оспина веќе соработуваше со Анчелоти токму во Наполи и би се согласил да се пресели на „Сантијаго Бернабеу“, разбирајќи и дека тој треба да биде „силна“ резерва на Куртоа.

Иднината на седумкратниот освојувач на „Златната топка“, Лионел Меси повторно е предмет на шпекулации во аргентинските медиуми, кои тврдат дека Аргентинецот ќе купи 35 отсто од акциите во МЛС клубот Интер Мајами, каде што делумен сопственик е Дејвид Бекам и ќе се приклучи како фудбалер во 2023 година.

Според „ДиректТВ“, Меси, кој минатото лето како слободен агент си замина од Барселона за да потпише договор со Пари Сен-Жермен, ќе го исполни договорот со францускиот клуб обидувајќи се да стигне до петта титула од Лигата на шампионите и да биде во топ-форма пред СП во Катар, по што ќе се пресели во САД. Интер Мајами во моментов е сопственост на легендата на Манчестер јунајтед, Дејвид Бекам и браќата Хорхе и Хозе Мас.

Меси повеќе пати изјавуваше дека би сакал да се пресели во САД, каде што би се школувале неговите синови.

„Секогаш имав сон да уживам во искуството на живот во САД, да видам каква е лигата таму“, изјави тој во 2019 откако наводно купи луксузен апартман во Мајами.

💣💣 BOMBA DE @Alex_candal 💣💣

🗣️ "Messi va a adquirir el 35% de las acciones de Inter de Miami y en el verano de 2023 se incorporará al equipo" pic.twitter.com/GtLbjtF0P5

— Futbol Total DIRECTV (@DTVTotal) May 16, 2022