Реал Мадрид синоќа го доживеа петтиот пораз во 16 натпревар од почетокот на сезоната. Поразот од Шахтјор (2:0), во Лигата на шампионите, сериозно ја доведува во прашање иднината на Зинедин Зидан на клупата на Реал.

Реал и во октомври имаше два порази по ред, од Кадиз и Шахтјор, но тогаш Зидан успеа да го згасне „пожарот“ со триумфот над Барселона на „Ноу Камп“.

Прашање е дали сега ќе успее да се извади, бидејќи за поразите од Алавес и Шахтјор, ќе треба да се вади против Севилја, Борусија Менхенгладбах и Атлетико Мадрид.

ЗЗодан по мечот во Киев, одговорајќи на новинарско прашање, рекол дека нема да поднесе оставка и дека ќе најде сили заедно со играчите да го надминат тешкиот период.

Од друга, шпанските медиуми, тврдат дека претседателот Флорентино Перез веќе тргнал во потрага по неговиот наследник. Тие шпекулираат со две имиња, Маурисио Покетино и Раул Гонзалес.

Покетино е без работа од 19.декември минатата година, кога доби отказ во Тотенхем. Речиси цела година тој се поврзува со Манчестер јунајтед, но според „Мундо Депортиво“ нема да биде изненадување доколку тој пристигне во Мадрид.

Покетино се поврзуваше со Реал и кон крајот на 2016 година, кога отказ доби рафа Бенитез, но тогаш Перез не сакаше да го плати неговото обесштетување.

Раул е легенда на Реал, а во моментов е тренер на вториот тим. За многумина тој е проектиран за во иднина да го преземе најтрофејниот клуб во Лигата на шампионите.

Поранешниот англиски фудбалер Стив Хоџ рекол дека дресот на Диего Марадона од четврт-финалето на СП во Мексико, во 1986 година, во кое играа Англија и Аргентина, не е на продажба.

По завршувањето на тој натпревар, Хоџ го добил дресот на Марадона. Тој дрес е изложен во Националниот фудбалски музеј во Манчестер, но негов сопственик е Хоџ.

„Тој дрес го имам 34 години и никогаш не сум се обидел да го продадам. Има голема сентиментална вредност“, изјавил Хоџ за Би-би-си.

„Луѓето не престанаа да тропаат на мојата врата, телефонот не престанува за ѕвони. Имаше информација дека сакам еден или два милиони долари за тој дрес, дека сакам да заработам…Дресот не е на продажба. Не се обидувам да го продадам“, дополнил Хоџ.

Хоџ е играчот кој ја одби топката кон својот голман, кога Марадона го постигна првиот гол, познат како Божја рака, а беше и еден од играчите кои Марадона ги претрча кога го постигна „голот на векот“.

„Тој натпревар никогаш нема да биде заборавен. Никогаш не го обвинував поради тоа што играше со рака. Ниту еднаш…“, истакнал Хоџ.

Диего Марадона почина на 25 ноември.

Велика Британија повеќе не е дел од Европската Унија (ЕУ) и тоа ќе влијае и врз спортот. Како што пренесуваат британските медиуми, тимовите од Премиер лигата се соочуваат со нови проблеми поради брегзитот.

Тоа што  Велика Британија повеќе не е дел од ЕУ значи дека фудбалерите кои не се Британци ќе мора да имаат работна дозвола.

На пример, ниту еден француски фудбалер во Премиер лигата во последните две години нема одиграно 30 отсто од натпреварите на репрезентацијата. Тоа значи дека тие не би добиле работна дозвола.

Ова најмногу ќе го почувствуваат клубовите од Премиер лигата во кои играат голем број странски фудбалери. Исто така, на клубовите ќе им бидат забранети трансферите на фудбалерите помлади од 18 години, кои не се Британци.

Клубовите ќе можат да реализираат најмногу три трансфери на играчи помлади од 21 година, во еден трансфер-период.