Спорт
Интер на гости кај Реал, Аталанта го чека Ливерпул
Осум натпревари во рамките на третото коло, во Лигата на шампионите, ќе се одиграат вечерва. Колото ќе биде отворено на истокот од континентот, Локомотив во Москва ќе го пречека Атлетико Мадрид, а Шахтјор ќе ѝ биде домаќин на Борусија Дортмунд. Дербито ќе се огра во Мадрид, Реал ќе го пречека Интер.
Локомотив и Атлетико, беа ривали во Лигата на шампионите и минатата сезона. Двата натпревари завршија со победа на „јорганџиите“ од 2:0. Локомотив има еден бод, Атлетико три по првите две рунди. Рускиот тим се наоѓа во серија од три порази, сите со резултат 2:1, додека Атлетико има три победи во низа.
Актулениот првак на Европа, Баерн, во вториот меч од групата ќе гостува во Салцбург. Баерн има осум победи во низа и според формата е апсолутен фаворит во Австрија.
Група А:
Локомотив Москва-Атлетико Мадрид 18.55
Салцбург-Баерн Минхен 21.00
Табела: Баерн 6, Атлетико 3, Салцбург 1, Локомотив 1
Дербито на коло, кое воедно ќе биде и борба за опстанок, во Б-групата ќе го одиграат Реал и Интер. „Кралскиот клуб“ има само еден бод, Интер два, по првите две рунди. Поразениот во овој натпревар значително ќе си ги намали шансите за пласман во нокаут-фазата.
Реал ќе биде без Милитао (коронавирус), односно Карвахал, Начо и Одегард кои се повредени.
Многу поголем проблем има Интер, во Мадрид ќе играат без својот најдобар играч и стрелец, Ромелу Лукаку.
Последне пат Реал и Интер се сретнале во 2013 година, Интер пибеди во Милано со 3:1, а Реал во Мадрид со 2:0.
Во вториот меч од оваа група ќе играат Шахтјор и Борусија Менхенгладбах. Украинските шампиони со евентуална победа ќе бидат многу блиску до пласман во нокаут-рундата.
Група Б:
Шахтјор-Борусија 18.55
Реал-Интер 21.00
Табела: Шахтјор 4, Интер 2, Борусија 2, Реал 1
Во Ц-групата, апсолутниот фаворит Манчестер сити веќе вечерба може да заврши голе дел од работата околу пласманот во наредната рунда. Сити со две победи во првите две рунди ќе го пречека Олимпијакос. Во вториот натпревар во групата Порто ќе игра против Марсеј.
Група Ц:
Манчестер сити-Олимпијакос 21.00
Порт-Марсеј 21.00
Табела: Ман. Сити 6, Порто 3, Олимпијакос 3, Марсеј 0
Англискиот првак Ливерпул гостува во Бергамо, кај Аталанта. Ова е еден од дерби дуелите во оваа рунда. Мечот, со оглед ан стилот што го негуваат двата тима, може да понуди вистински спектакл.
Ливерпул има две победи во групата, додека Аталанта има победа и реми.
Јирген Клоп не може да смета на Ван Дајк, Фабињо и Оклслејд-Чембрлен, додека Џанпјеро Гасперини ќе биде без Толој, Госенс, Калдара, Де Рон.
Ливерпул е во серија од четири победи, додека Аталанта има само еден триумф на последните три натпревари.
Ајакс, соочен со големи проблеми, гостува во Митјиланд. Неколку играчи на Ајакс имаа позитивни тестови, за некои од нив се покажа дека тестовите биле лажни. Поради тоа Тадиќ, Онана и Гравенберч доцна синоќа отпатувале за Данска.
Ајакс во Данска ја бара првата победа во Лигата на шампионите оваа сезона.
Група Д:
Митјиланд-Ајакс 21.00
Аталанта-Ливерпул 21.00
Табела: Ливерпул 6, Аталанта 4, Ајакс 1, Митјиланд 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.