Спорт
Гранеруд со десетта победа оваа сезона, на чекор до титулата од Светскиот куп

Норвешката скокачка сензација, Халвор Егнер Гранеруд стигна до својата 10-та победа од Светскиот куп оваа сезона (и вкупно десетта во кариерата), триумфирајќи на големата скокалница во германскиот Клигентал за да го зголеми водството во генерален пласман.
Гранеруд имаше скокови од 136 и 140.5 метри за да собере 288.5 поени за победа пред Словенецот Бор Павловчич со 287.7 поени по скоковите од 140 и 146 метри и главниот ривал во генерален пласман, Германецот Маркус Ајзенбихлер, кој беше лидер по првата серија и имаше скокови од 138 и 141.5 метар.
24-годишниот Гранеруд, кој минатата сезона имаше само осум освоено поени во Светскиот куп, сега има 1.406 поени во генерален пласман, дури 429 поени пред Ајзенбихлер и 561 поен пред Полјакот Камил Стох.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Центарот на Макаби се сели во НБА?

Кошаркарот на Макаби Тел Авив, Роман Соркин, би можел да ја продолжи кариерата во НБА откако неколку тима покажаа интерес за него.
Соркин импресионираше на Евробаскетот за Израел, со просек од 16,5 поени и 6 скока по натпревар.
Израел го заврши учеството во осминафиналето, со поразот од Грција. Интерес за Соркин покажале Мајами Хит, Њујорк Никс и Портланд Треил Блејзерс, тврди новинарот Иан Бегли.
Инаку, Соркин се пријави на драфтото во 2018 година, но не беше избран.
Минатата сезона, играјќи за Макаби Тел Авив во Евролигата, тој имаше просек од 12,9 поени и 4,1 скока по натпревар, шутирајќи 50,9 проценти од поле.
Спорт
Куртоа си купи ноќен клуб

Тибо Куртоа одлучи да развие бизнис надвор од фудбалскиот терен.
Според белгиските медиуми, искусниот голман одлучил да го купи ноќниот клуб „Версуз“ во Хаселт, на северот од Белгија.
Беше затворен минатиот мај, но сега Куртоа сака да му вдахне нов живот.
Планот е целосно да се реновира, за гостите да имаат максимална атмосфера во форма на удобност, музика…
Капацитетот треба да биде околу 4 илјади луѓе.
Спорт
Проблем за Гвардиола – Мармуш се повреди играјќи за Египет

Лоши вести пристигнаа на „Етихад“ од Африка бидејќи Омар Мармуш ги повреди лигаментите на коленото.
Сериозноста на повредата на египетскиот напаѓач ќе ја утврдат специјалистите во Каиро, а потоа и лекарите и специјалистите од Манчестер Сити на прегледот кога ќе се врати во Англија.
Во четвртата минута од дуелот против Буркина Фасо, Мармуш доби силен удар во коленото. По помошта, тој остана на теренот уште неколку минути и побара измена.
Како што стојат работите сега, Мармуш ќе го пропушти градското дерби против Манчестер Јунајтед во недела.
Foto/ „X“