Спорт
Грдата страна на дербито – неспортски гест на фудбалерите на Милан
Саботната важна победа на Милан од 1:0 над Лацио беше во сенка на случувањата по мечот, откако Тиемуе Бакајоко и Френк Кеси по крајот решија да „позираат“ со дресот на дефанзивецот на гостите Франческо Ачерби, кој потоа ги обвини двајцата дека сакаат да „созадаваат омраза“.
Тензичниот меч еруптираше во тепачка во финишот, кога Луиз Фелипе и Фабио Борини беа најборбени, но потоа дојде вистинската контроверза. Ачерби пред мечот изјави дека Лацио имаат „подобар тим, човек-по-човек, од Милан и едноставно нема споредба“. Бајакоко и Кеси откако го добија дресот на Ачерби по мечот, решија да го покажат како трофеј пред навивачите, и Ачерби веднаш реагираше на Твитер.
„Разочаран сум бидејќи го сменив дресот за да се стави крај на тоа. Да се создава омраза не е спорт, туку знак на слабост“, напиша Ачерби на Твитер.
Sono dispiaciuto perché ho scambiato la maglia per mettere fine alla questione, fomentare odio non è sport ma un segno di debolezza.#Acerbi #Ace #CMonEagles pic.twitter.com/hgZwt12py6
— Francesco Acerbi (@Acerbi_Fra) April 13, 2019
Чиро Имобиле ги нарече фудбалерите на Милан „мали луѓе“, а Бакајоко се јави со порака дека се работело за „шега, со која не сакале да покажат непочитување“ и се извини на Ачерби.
Тренерот на Милан, Џенаро Гатузо не беше подготвен за шеги и најави казни за фудалерите.
„Се извинуваме за тоа. Мислам дека дојде време големите клубови да ги ограничат социјалните мрежи за професионалците. Наместо да се фокусираат на тренинзите, тие своите палци ги користат за мобилните телефони“, вели Гатузо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.