Спорт
Гвардиола го надмудри Мурињо, Гундоган го одлепи Сити на врвот во ПЛ
Манчестер Сити полесно од очекувањата, со 3-0 славеше против секогаш незгодниот Тотенхем предводен од Жозе Мурињо.
Избраниците на Пеп Гвардиола стигнаа до победата со доминација во сите 90 минути, со двојно повеќе упатени удари кон противничкиот гол.
А натпреварот можеше да има друг тек доколку во 14 минута по слободниот удар на Хари Кејн топката наместо во стативата завршеше во мрежата на Едерсон.
Не помина многу, во 21 минута Хојбјерг грубо стартуваше во својот казнен простор и Сити доби пенал. Иако голманот Едерсон се надеваше дека Гвардиола ќе му даде можност да шутира од белата точка, одговорноста му припадна на Родри кој во 23 минута донесе 1-0.
Најдобриот играч во Премиерлигата за месец јануари, Илкај Гундоган повторно во елемент. Два гола одат зад неговото име.
Во 50 минута по асистенцијата на Стерлинг носи предност од 2-0, а во 66 минута по додавањето на Едерсон прецизно стрела во десниот долен агол за недостижни 3-0.
Манчестер Сити е лидер на табелата сега со +7 ( и меч повеќе) од второпласираниот Лестер, додека Манчестер Јунајтед во моментов е на -8 зад градскиот ривал.
Тотенхем е на осма позиција со 36 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола: Прашајте го менаџерот зошто Ечевери не игра
Клаудио Ечевери се смета за еден од најталентираните фудбалери во светот, но тој е уште еден од оние чија кариера jа уништува менаџерот, тврди тренееот на Манчестер Сити, Пеп Гвардиола.
„Прашајте го неговиот прекрасен менаџер зошто не игра во Леверкузен. Го ценам исклучително како играч, но што се случи во Леверкузен – не знам. Неговиот менаџер знае“, изјави Гвардиола.
Аргентинецот одигра осум натпревари и забележа една асистенција за Леверкузен во тековната сезона, а имаше разговори за неговиот статус во претходните недели. Се очекуваше дека ќе има поголема улога во Германија, но ништо од тоа.
Се чини дека не се задоволни ниту од овој развој на настаните во Англија. Прашање е какови се намерите на Гвардиола сега, откако упати критики кон менаџерот на фудбалерот и дали тренерот ќе побара младиот Аргентинец во јануари да се врати во Манчестер Сити.
Спорт
Историскиот подвиг на Јан Облак
Јан Облак, голман на Атлетико Мадрид, доби награда за извонреден подвиг.
На гала вечерта на весникот „Марка“, репрезентативецот на Словенија по шести пат ја доби наградата Замора, наменета за голманот, кој прима најмалку голови во просек во шпанското првенство.
Никој досега не успеал да го постигне ова престижно признание толку многу пати пред него. На церемонијата на доделување на наградите го придружуваше избраничката на неговото срце, српската тенисерка Олга Даниловиќ.
Jan Oblak je včeraj prejel šesto nagrado Zamora v svoji karieri in tako postal vratar z največ osvojenimi tovrstnimi priznanji v zgodovini #LaLiga 🏆
Iskrene čestitke, kapetan! ❤️🇸🇮 pic.twitter.com/EGnWPlivuj
— NZS | FA Slovenia (@nzs_si) November 25, 2025
На Гран Гала, како што се нарекува овој настан, присуствуваа големи имиња во шпанскиот спорт како што се Рафаел Надал, освојувач на 22 Гренд Слем титули, легендарниот возач на Мото ГП Марк Маркез, но и Икер Касиљас, Санти Казорла и многу други познати спортисти.
Спорт
Аморим: Ова е чекор назад
Тренерот на Манчестер Јунајтед, Рубен Аморим, не го криеше разочарувањето и незадоволството од играта на неговите избраници по поразот од Евертон.
Португалецот ги критикуваше своите играчи дека не одговориле соодветно на агресивната игра на противникот.
„Тие беа подобар тим и со 11 и со 10 играчи. Не им одговоривме со интензитет и тие заслужија да победат. Ни помогнаа и со црвен картон. Моравме да направиме повеќе во секој момент. Моравме да ги притискаме посилно во последната третина. Моравме да направиме повеќе“, рече Аморим.
Шрвата победа на Евертон на „Олд Трафорд“ по пауза од 12 години, означи крај на серијата од пет победи на Манчестер Јунајтед во Премиер лигата.
„Да, ова е чекор назад. Особено кога ќе видите како игравме. Заборавете на резултатот, резултатот е навистина лош, но повеќе ме загрижува чувството што го имав за време на натпреварот. Секој мораше да игра подобро“, заклучи Аморим.
Фото/ Принтскрин

