Возачот на Ред Бул, Макс Ферстапен, ја освои пол-позицијата пред Големата награда на Абу Даби, последната трка од овогодинешното првенство во Формула 1.

Актуелниот шампион стигна до најдобрата стартна позиција на патеката „Јас Марина“ со време од 1:22.207 минути, две десетинки пред Ландо Норис во Мекларен.

Двајцата, инаку главни претенденти за титулата, беа следени од вториот возач на Мекларен, Оскар Пјастри, кој беше 28 илјадити зад својот тимски колега.

Трката од вториот ред, веднаш до Пјастри ќе ја започне Џорџ Расел од Мерцедес.

На стартот, во третиот ред се Шарл Леклер (Ферари) и ветеранот од Астон Мартин, двократниот шампион, Фернандо Алонсо.

Во првите десе место на стартот изборија: Габи Бортолето (Заубер), Естебан Окон (Хас), Исак Хаџар (Рејсинг Булс), Јуки Цунода (Ред Бул).

Норис е лидер во генералниот пласман со 12 поени повеќе од Ферстапен и 16 од Пјастри. Доколку Ферстапен утре победи, Норис треба да биде најмалку трет за да ја освои титулата.

Трката за Големата награда на Абу Даби ќе започне во 14 часот.

Foto/ EPA

Лидерот во Премиер лигата падна на „Вила Парк“ во Бирмнигме. Емелијано Буендија, во 95-та минута постигна гол за триумф на Астон Вила над Арсенал 2:1. Аргентинецот им го нанесе на „топџиите“ вториот пораз оваа сезона.

Вила ја имаше првата голема шанса, но Раја имаше фантастична одбрана по ударот на Оли Воткинс во десеттата минута.

Играта беше интензивна на двете страни, потоа Арсенал малку ја презеде иницијативата – голот на Езе беше оправдано поништен поради офсајд, Сако исто така се обиде да упати удар со глава, но топката заврши веднаш до стативата.

Потоа домашните повторно наметнаа свој ритам, а во 36-та минута го видовме најважниот момент од првото полувреме – долг вовед во акцијата, аут од левата страна, Тимбер не реагираше доволно добро и топката заврши на втората статива, а таму Мети Кеш се протна зад Езе и го донесе својот тим во водство.

Арсенал започна уште поагресивно во второто полувреме, а наградата дојде брзо, во 53-та минута, резервистот Леандро Тросар постигна гол. Играчите на Вила загубија топка на средината од теренот, следуваше молскавична контра, Сака во шеснаесетникот дијагонално уфрли, а со малку среќа топката заврши пред Тросар, на кого не му беше тешко да изедначи.

Тросар го постигна 50-от гол во Премиер лигата.

Во 65-та минута, Раја одбрани удар на Воткинс, а четири минути подоцна, Емилијано Мартинез ја исфрли топката преку пречката со врвовите на прстите по феноменалниот удар на Едегор.

Се чинеше дека Арсенал е поблиску до водство, но по грешката на Калафиори, одлична шанса имаше Мален, кој го замени Воткинс. Сепак, шутираше покрај голот од добра позиција.

Тоа означи период на подобра игра на Вила, која заврши со голот на Бунедија.

Foto/ EPA

Двајца најдобри во 21 век се во доцните фудбалски години, што го поставува прашањето за нивниот настап на претстојното Светско првенство.

И Аргентинците и Португалците вешто ги кријат своите карти, без јасни навестувања дали Лионел Меси и Кристијано Роналдо ќе ги закажат своите лебедови песни за следното лето.

„Ќе почекаме додека не одлучи, засега не знаеме ништо. Во принцип, сè оди во вистинската насока. Само ќе ја прифатиме неговата конечна одлука, тоа е реалноста“, беше краток тренерот на светскиот шампион Лионел Скалони.

Неговиот колега, од португалскиот табор, не беше премногу расположен да разговара за жешката тема.

„Како и сите играчи, тој има уште шест месеци до Светското првенство. Моменталното ниво на Кристијано е високо, тој постигна 25 гола во последните 30 натпревари за Португалија и е во добра форма. Ќе почекаме до летото“, рече Роберто Мартинез.

Иако кормиларите се бранат со молчење, сосема е јасно дека двајцата великани едноставно мора да бидат меѓу патниците за Соединетите Американски Држави, Канада и Мексико. Тоа би бил рекорден шести настап за Меси и Роналдо на најголемото фудбалско шоу во светот.

Foto/ EPA