Робин ван Перси вели дека тоа што Арсенал не му понудиле нов договор за останување на „Емирати“ го натерале да го направи контроверзниот трансфер во 2012 година.

Холанѓанецот, кој постигна 132 гола во 280 настапи за „топчиите“, сепак, исто така признава дека не можел да го спречи „малото дете“ во него кое врескало за трансфер во Манчестер јунајтед. Ван Перси потоа со Јунајтед освои уште еден трофеј од Премиер лигата за Сер Алекс Фергусон, но трансферот од 22 милиони фунти ги наруши односите со навивачите на Арсенал.

„Можете да го споредите тоа што бев во Арсенал со брак. Јас и мојата сопруга, Арсенал, бевме оженети осум години. По осум години, и се смачив на мојата жена. Тоа се фактите. Кога Арсенал не ми нудеа нов договор, беше јасно. Морав да видам наоколу. Сакав да ја освојам титулата. Тоа е животот. Имаше три опции. Една да одам надвор од Англија, која наскоро ја немаше, или да одам во Сити или Јунајтед“, вели Ван Перси за „БТ“.

Околу односите со навивачите на Арсенал, Ван Перси е отворен.

„Секако, навивачите не беа среќни од мојата одлука, но стојам зад неа. Тие не ја имаа целата приказна и никогаш не сум имал ништо против Арсенал“, вели Ван Перси, кој постигна 58 гола во 105 настапи за Јунајтед.

Најмалку тројца луѓе го загубија животот, а тројца фудбалери беа повредени по судирот на ривалските навивачи во престолнината на Хондурас, Тегусигалпа по напад на тимскиот автобус на клубот Мотагва пред мечот со Олимпија.

Вестите за нападот на автобусот предизвикаа двете навивачки групи да се соберат околу стадионот и да се судрат, а полицијата користеше солзавец за да ги растера. Црвениот крст на Хондурас потврди дека тројца навивачи го загубиле животот, а уште десетина се повредени.

Нападот на автобусот пак, донесе скршено стакло и повреди на парагвајскиот дефанзивец Роберто Мореира, аргентинскиот голман Џонатан Роугиер и домашниот фудбалер Емилио Изагире, кој поголемиот дел од кариерата играше во Селтик.

Мотагва објавија дека нема да го играат презакажаниот меч против Олимпија и побараа казна за однесувањето на нивните навивачи.

😡 Reprochable y lamentable

📍 La barra Ulta Fiel, atacó el bus de nuestro equipo cuando iba en camino al estadio nacional y varios de nuestros jugadores fueron herido por los vidrios, esto tiene que ser sancionado duramente por más autoridades correspondientes pic.twitter.com/22feX003CG

— Fútbol Club Motagua (@MOTAGUAcom) August 18, 2019

Алексис Санчез ги договорил личните услови со Интер, тврди „Скај спорт Италија“ и неговиот агент сега треба да се договори со Манчестер јунајтед за праќање на Чилеанецот на „Сан Сиро“, втор трансфер во оваа насока ова лето.

Санчез бил пресреќен кога дошла понудата од Интер, бидејќи ќе добие шанси да работи со Антонио Конте, откако неколку пати се „разминаа“ во кариерата и исто така сака да игра во Лигата на шампионите.

За да се оствари овој трансфер тој треба да прифати значително намалување на платата, и сега неговиот агент Фернандо Фелисевич треба да ги убеди Јунајтед за договор со позајмица до крајот на сезоната со дополнителни клаузули.

Ова би било враќање на 30-годишниот Чилеанец во Серија А, откако тој си направи име за себе со Удинезе од 2007 до 2011, пред да игра со Барселона, Арсенал и Јунајтед. Исто така, тој би играл повторно со својот добар пријател Ромелу Лукаку, кој направи трансфер од Јунајтед во Интер.