Двата италијански клубови во акција во вечерните мечеви од Лигата на шампионите имаа сосема различна среќа – Интер загуби дома од Реал Мадрид со 0:2 за да си ги направи шансите за пласман во осминафиналето во доменот на теоријата, додека Аталанта му се реваншираше на Ливерпул, победувајќи ги на „Енфилд“ со 2:0.

Големото дерби на „Џузепе Меаца“ не ги оправда очекувањата, но сигурно „кралевите“ ќе бидат задоволни и со ваква победа. Тие дојдоа рано во водство со гол од пенал на Еден Азар, а Артуро Видал доби бизарен црвен картон до крајот на полувремето да ги постави Интер во незгодна позиција. Родриго во второто полувреме го реши мечот.

Откако дома загубија со 0:5 од Ливерпул, се очекуваше Аталанта да ја снајде слична судбина и на гостувањето, но наместо тоа добивме „нокаут“ во четири минути. Јосип Иличиќ, кој по подолга пауза поради депресијата се врати на фудбалот, во 60-тата минута доби одлична топка од капитенот Алехандро Гомез за 1:0, за Робин Госенс четири минути подоцна да се најде сам во шестнасетникот на „црвените“ за 2:0.

Со ова, ситуацијата во групата Д се искомпликува – Ливерпул уште се први со 9 поени, но сега Аталанта и Ајакс имаат по 7, откако „копјаниците“ со 3:1 го победија Митјиланд.

Актуелниот шампион, Баерн Минхен, немаше мака и со 3:1 го совлада Салцбург со головите на Роберт Левандовски и Лирој Сане (и еден автогол), за совршени 4-од-4 по четири меча и пласман во осминафиналето. Атлетико Мадрид пропуштија шанса да се одвојат, откако одигра само 0:0 против Локомотив Москва.

ЛИГА НА ШАМПИОНИ, 4.КОЛО

ГРУПА А

Баерн Минхен – Ред бул Салцбург 3:1

Атлетико Мадрид – Локомотив Москва 0:0

Табела: 1.Баерн М. 12, 2.Атлетико М. 5, 3.Локомотив М. 3, 4.РБ Салцбург 1

ГРУПА Б

Интер – Реал Мадрид 0:2

Табела: 1.Борусија М. 8, 2.Реал М. 7, 3.Шахтјор 4, 4.Интер 2

ГРУПА Ц

Марсеј – Порто 0:2

Табела: 1.Манчестер с. 12, 2.Порто 9, 3.Олимпијакос 3, 4.Марсеј 0

ГРУПА Д

Ајакс – Митјиланд 3:1

Ливерпул – Аталанта 0:2

Табела: 1.Ливерпул 9, 2.Ајакс 7, 3.Аталанта 7, 4.Митјиланд 0

ИНТЕР – РЕАЛ М.

ЛИВЕРПУЛ – АТАЛАНТА

БАЕРН МИНХЕН – РБ САЛЦБУРГ

АЈАКС – МИТЈИЛАНД

МАРСЕЈ – ПОРТО

Вардар имаше фантастичен старт на гостувањето кај Кјелце, но потоа доживеа тежок пораз, втор за неколку дена од полскиот гигант, овојпат со 36:29 (18:12) на гости.

Тимур Дибиров, Столе Стоилов и Кристијан Дисингер имаа вистинско шоу на стартот, за „црвено-црните“ да дојдат до 5:2 водство против тимот на Талант Душебаев, но потоа на сцена стапија Алекс Душебаев и Аркадијуш Морито и на полувреме Вардар губеше со дури шест разлика (18:12), во полувреме во кое имавме само две одбрани.

Разликата беше преголема за да се стигне во второто полувреме и Кјелце сега остануваат убедливо први во групата Б со 13 поени, додека за Вардар ова е трет пораз во пет меча и се наоѓаат на шестото место со 3 поени.

Душебеав и Морито го завршија мечот со седум гола, додека за Вардар, Дибиров имаше 7, а Ловро Јотиќ шест гола.

ЕХФ ЛИГА НА ШАМПИОНИ

Веспрем – Алборг 30:32 (16:19)

Кјелце – Вардар 36:29 (18:12)

Only the best will do for an #ehfcl #MOTW.

Timur Dibirov is the best – he puts his @HCVardar side further ahead, against @kielcehandball.

Watch live on #EHFTV now. pic.twitter.com/LbaNHtfJtv

— EHF Champions League (@ehfcl) November 25, 2020

Борусија Менхенгладбах уште еднаш воодушеви во Лигата на шампионите, демонтирајќи ги Шахтјор Доњецк со 4:0 за да постави притисок на Интер и Реал Мадрид кои од 21 часот го играат големото дерби, додека Манчестер сити и официјално е во осминафиналето по 1:0 победата над Олимпијакос на гости во Грција.

На „Борусија-Парк“, домаќините дојдоа во водство уште во 14. минута преку гол од пенал на Штиндл, за Нико Елведи во 34. минута да зголеми на 2:0, пред Брил Ембодо да постигне сензационален гол со ножички во финишот на полувремето. Оскар Вент во второто полувреме го потврди триумфот, за „ждребињата“ да се зацврстат на првото место на табелата во групата Б со осум поени, додека Реал имаат само 4, а Интер 2 пред нивниот меч.

Тимот на Пеп Гвардиола, пак, ја забележа и четвртата победа во четири меча во ЛШ, славејќи со 1:0 со убавиот гол на Фил Фоден во првото полвуреме, за целосна контрола во групата Ц.

ЛИГА НА ШАМПИОНИ, 4.КОЛО

ГРУПА Б

Борусија Менхенгладбах – Шахтјор Доњецк 4:0

Интер – Реал Мадрид 21.00 ч.

Табела: 1.Борусија М. 8, 2.Шахтјор 4, 3.Реал Мадрид 4, 4.Интер 2

ГРУПА Ц

Олимпијакос – Манчестер сити 0:1

Марсеј – Порто 21.00 ч.

Табела: 1. Манчестер с. 12, 2.Порто 6, 3.Олимпијакос 3, 4.Марсеј 0