Спорт
Гвардиола: По Сити, правам пауза, можеби 15 години!

Тренерот на Манчестер Сити, Пеп Гвардиола, објави дека, по престојот во „Етихад“ Сити, ќе направи пауза од фудбалот, потенцијално и до 15 години.
„Знам дека кога ќе ја завршам оваа фаза со Сити, ќе престанам, тоа е сигурно. Одлуката е донесена“, изјави Гвардиола за GQ Spain.
Договорот на Гвардиола со Сити истекува во 2027 година, и иако тој не кажа директно дека ќе замине тогаш, тој нагласи дека неговата одлука да направи пауза не е спорна.
„Не знам колку ќе трае паузата… една година, две, три, пет, десет, петнаесет – не знам. Но, ќе заминам по ова поглавје бидејќи морам да застанам и да се фокусирам на себе, на моето тело“, рече Шпанецот.
Гвардиола, кој пристигна на „Етихад“ во 2016 година, досега освои 18 трофеи со клубот, вклучувајќи шест титули во Премиер лигата и првата Лига на шампиони во историјата на Сити во сезоната 2022/2023.
Сепак, минатата сезона беше многу предизвикувачка бидејќи клубот заврши без трофеј, прв пат откако Гвардиола го презеде тимот.
„Поминав четири или пет месеци оваа сезона слушајќи 60.000 луѓе на гостувања како скандираат: „Ќе бидеш отпуштен наутро“. Нема друга професија каде што толку многу луѓе јавно сакаат да бидеш отпуштен.“
Последната сезона на Сити беше обележана со повреди, а освојувачот на „Златната топка“ Родрио ги скина предните вкрстени лигаменти во септември.
Тимот го имаше своето најрано испаѓање од Лигата на шампионите од сезоната 2012/2013 и заврши на третото место во Премиер лигата.
„Не беше толку лоша сезона. Игравме во финалето на ФА Купот, завршивме трети… не завршивме дванаесетти. Но, имавме 13, 14 натпревари без победа, тоа никогаш не ни се случи. Дури и кога победувавме, не мислев дека сме нешто посебно“, рече Гвардиола.
Манчестер Сити ја отвора новата сезона во Премиер лигата на 16 август против Вулверхемптон.
Фото/ Принскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вардар во дербито го победи Пелистер

Вардар 1961 го доби првото дерби во првенството оваа сезона против Еурофарм Пелистер. Вечерва во СЦ „Јане Сандански“, црвено-црните славеа против акруелниот шампион со 31:28 (16:14).
Вардар ја прекина серијата од четири порази во дуелите со најголемиот ривал и го задржа максималниот ефект во првенството по пет одиграни натпревари. Пелистер го доживеа првиот пораз, но има и едно реми и поради тоа со седум бода се наоѓа на четвртото место.
Вардар во целост го контролираше дербито, во раната фаза црвено-црните дојдоа со водство 9:5, Пелистер се доближи и на гол минус, но најчесто разликата беше два гола во корист на Вардар.
Вториот дел му припадна на Пелистер, негвиот воведен дел, со три гола Битолчани изедначија (18:18), но Вардар одговори на ист начин. Успеа повторно Пелистер да се врати на 21:21 имаше и напад за водство, не го искористи по што следуваше уште една серија на црвено-црните од 3:0.
Во последните 20 минути се „појавија“ и голманите Валах и Митревски, кои имаа неколку брилијантни интервенции. Клучната одбрана ја имаше голманот на Вардар, кога му одбрани пенал на Манасков и спречи израмнување.
Замата завршница му припадна на поранешниот репрезентативец Талески, кој со два гола ги реши дилемите околу кончениот победник.
Боно, Тузолана и Малус со по шест гола го предводеа Вардар, голманот Валах имаше девет интервенции. На спротивната страна најдобри беа Митревски со осум одбрани и Манасков со девет голови.
Foto/ facebook.com/rkvardar
Спорт
(Видео) Жестока тепечка на хулигани во Неапол

Фудбалерите на Наполи ќе го пречекаат тимот на Спортинг во 21:00 часот, а на дуелот од второто коло од Лигата на шампионите му претходеа тепачки низ улиците на Неапол.
Хулиганите на италијанскиот клуб нападнаа група навивачи на португалскиот тим во елитното натпреварување, меѓутоа, како да не очекуваа жесток отпор од другата страна.
Тепачката на улиците на италијанскиот град траеше неколку минути, а кога навивачите на Наполи проценија дека се загрозени и покрај тоа што беа во поголем број, решија да избегаат.
Дури откако тепачката заврши пристигна полицијата…
Napoli and Sporting fans clashing today… 🇮🇹🇵🇹 pic.twitter.com/PKfnejdcYD
— Football Fights (@footbalIfights) October 1, 2025
🔵 | Violenti scontri tra i tifosi del #Napoli e dello Sporting Lisbona prima della gara di Champions League pic.twitter.com/tsaG54yX1c
— NN | Napoli Network (@NapoliNetworkX) October 1, 2025
Спорт
(Видео) Њукасл го декласира Унион, Карабаг по Бенфика го победи и Копенхаген

Њукасл ја забележа првата, а Карабаг втората победа во Лигата на шампионите. Њукасл во Брисел го победи, Унион Сен Жилоа со 4:0, а Каранаг на домапен терен славеше во дуелот со Копенхаген 2:0.
Во Брисел, црно-белите победија со 4:0, со головите на Волтемаде, Барнс и Гордон двапати од пенал.
Фудбалерите на белгискиот првак Унион одиграа добар натпревар. Само во првото полувреме беа поагресивни од Њукасл и создадоа повеќе шанси во споредба со нивните ривали, но резултатот сепак беше на страната на клубот од Англија.
Екипата на Еди Хау едноставно успеваше да постигне гол од секој опасен напад.
Во вториот натпревар, кој се играше во 18:45 часот, фудбалерите на Карабаг ја забележаа својата втора победа во Лигата на шампионите, со што го одржаа својот максимален учинок.
Тие го победија Копенхаген со 2:0 на стадионот „Тофик Бахрамов“.
Стрелци за домашниот тим беа Зубир и Адаји кои му ја донесоа победата на Карабаг, што ги воодушеви сите навивачи кои го исполнија овој објект во главниот град на Азербејџан.
Foto/ EPA