Спорт
Гвардиола: Сакам кога играчите се лути затоа што се резерви
Тренер на Манчестер сити, Пеп Гвардиола, изјави дека секогаш е добар знак кога неговите играчи се „лути“ поради тоа што се изоставени од стартниот тим.
Фудбалерите на актуелниот шампион на Европа и Англија го совладаа Борнмут со 6:1 во натпреварот од 11. коло на Премиер лигата.
Жереми Доку на овој натпревар постигна гол и имаше четири асистенции, а во претходното коло против Манчестер јунајтед беше на клупата за резерви, бидејќи Џек Грилиш беше стартер.
„Сакам кога Џек Грилиш е лут и сакам кога тој да игра добро. И потоа Доку да се налути затоа што не ги одигра последните два натпревари. Тоа е начин да се одржи конзистентноста на ова ниво“, изјави Гвардиола.
Доку во летниот преоден рок пристигна во Манчестер сити од Рен за 55.400.000 фунти и има постигнато три гола во сите натпреварувања.
Белгиецот се бори за место во нападот на „Граѓаните“ со Гралиш, кој се уште нема постигнато гол во Премиер лигата оваа сезона.
„Жереми и Џек можат да играат во исто време, но кога не играат, следниот ден тренираат подобро затоа што знаат дека им доаѓа моментот, а кога ќе бидете ментално подготвени, ќе играте добро. Начинот на кој играше Грилиш на „Олд Трафорд“ ни дава поголема смиреност и моќ на таа позиција, која беше одлучувачка. Ни требаат сите. Имаме многу натпревари и секој треба да се натпреварува. Тогаш и ќе победуваме и сите ќе бидат среќни. Мораме да го направиме тоа“, изјави Гвардиола.
Сити во вторник на домашен терен го пречекува Јанг Бојс во натпреварот од Лигата на шампионите и со победа по само четири кола ќе обезбеди учество во нокаут фазата од елитното европско натпреварување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.