Спорт
Гвардиола самиот е виновен за неуспехот, согласни критичарите
Со целосна почит кон новите шампиони, Челси, голем број на критичари сметаат дека Пеп Гвардиола со една мала промена на својот состав ги „уништи“ шансите на Манчестер сити за слава во Лигата на шампионите и за тоа е самиот виновен.
Последните пет месеци Манчестер сити „газеа“, влегуваа во ритам на теренот супер-лесно и ги газеа своите противници. На хартија имаше само една промена – Рахим Стерлинг беше стартер, а Фернандињо и Родри беа отсутни. Но, со овој потег, тој помести цела позиција во неговиот тим, влегувајќи во финалето без ниту еден дефанзивен играч од срениот ред, кој беше клучен за неговиот стил на игра.
Сити одиграа 60 меча оваа сезона и само еднаш стартуваа без Родри и Фернандињо, во ноември кога со 3:0 ги победија Олимпијакос во Лигата на шампиони. Но, Челси не се Олимпијакос.
Кевин де Брујне, Ријад Марез и Фил Фоден беа „задушени“ од фудбалерите на Челси, кои играа со ви соко темпо, а Рахим Стерлинг немаше шанси против Рис Џејмс. Дури и кога Де Брујне се повреди, Гвардиола реши да го внесе Габриел Жесус, а на половина час пред крајот, во игра влезе Фернандињо, и тоа беше предоцна.
Италијанската тренерска легенда, Фабио Капело веднаш го посочи тоа.
„Според мене, Гвардиола промаши со изборот на стартните 11. Гундоган пред одбраната не можеше да игра како филтер во средниот ред. Стоунс е играч кој не може да брани. Во второто полувреме изгледаа подобро, но им подарија 45 минути на Челси и лесно можеа да губат со 2:0 на полувреме“, оцени Капело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вучверхемптон урнаа рекорд стар 120 години
Вулверхемптон, синоќа, освои бод на „Олд Трафорд“, против Манчестер Јунајтед. Натпреварот заврши 1:1, а Вулверхемптон урна негативен рекорд стар 120 години.
За прв пат по повеќе од 120 години, тим во англиската Премиер лига остана без победа во првите 19 кола од сезоната. Вулфс, досега освоија само три бода.
Последниот тим на кој му се случи ова беше Болтон, во сезоната 1902/1903.
На половина од сезоната, Вулверхемптон се 15 поени оддалечени од безбедната зона.
Сезоната продолжува, но атмосферата во тимот и меѓу навивачите е сè понапната, бидејќи статистиката не лаже, „Волците“ се речиси практично елиминирани.
Foto/ depositphotos
Спорт
Ферстапен избран за возач на годината во Формула 1
Холанѓанецот, Макс Ферстапен е прогласен за возач на годината во Формула 1, и покрај тоа што не го освои светското првенство. Ова беше осмо издание на изборот за возач на годината во кој гласаа возачите, а Ферстапен славеше петта година по ред.
Поените беа доделени врз основа на тековниот систем на бодови во Ф1, при што најдобриот возач на секоја листа освои 25 поени, а возачот на 10-то место освои еден поен.
Пилотот на Ред Бул победи пред светскиот шампион Ландо Норис во Мекларен, додека Џорџ Расел од Мерцедес беше трет.
За прв пат од почетокот на анкетата во 2018 година, Британецот Луис Хамилтон (Ферари) не успеа да влезе меѓу првите десет.
Во изборот учествуваа 16 возачи, додека Хамилтон, Нико Хулкенберг, Ленс Строл и Јуки Цунода не гласаа.
Foto/ depositphotos
Спорт
Браим Диаз доби нов договор
Браим Диаз официјално ќе потпише нов договор со Реал Мадрид.
И покрај тоа што ретко е во стартната постава, Мароканецот е важен дел од тимот и има голема доверба од Чаби Алонсо и Флорентино Перез.
Реал Мадрид одлучи да му понуди нов договор до 2030 година и сè што останува новиот договор да биде официјализиран.
Браим Диаз пристигна во Реал од Манчестер Сити во јануари 2019 година за 17.000.000 евра, но мораше да оди во Милан. Играше на „Сан Сиро“ од 2020 до 2023 година, а потоа се врати во Мадрид.
Ако се погледне неговиот вкупен учинок од 139 натпревари, тој постигна 21 гол и запиша 23 асистенции.
Чаби Алонсо очигледно смета дека може да биде од големо значење во наредните години, бидејќи може да игра на повеќе позиции и секогаш прави разлика кога доаѓа од клупата.
Foto/ depositphotos

