Пари Сен-Жермен стигна до толку посакуваната одмазда против Манчестер јунајтед, победувајќи со 3:1 на „Олд Трафорд“ за да си ги зголемат шансите за пласман во осминафинале во Лигата на шампионите и целосно да ја искомпликуваат борбата за првото место во групата Х, каде што три клуба имаат по 9 поени.

Резултатот значи дека Јунајтед останува прв во групата со 9 поени, но ист број имаат и ПСЖ на второто место и Лајпциг на третото место. Во последното коло Јунајтед гостува кај Лајпциг, додека ПСЖ ги пречекува Башакшехир. Јунајтед има предност во дуелот со Лајпциг што во првиот меч ги совладаа со 5:0, така што реми сигурно ги носи во осминафиналето.

ПСЖ веднаш покажаа дека одат на триумф со притисок на стартот на мечот, и веќе во осмата минута Нејмар ја затресе мрежата на Давид де Хеа со малку среќа. Многу повеќе среќа имаа Јунајтед кога ударот на Маркус Рашфорд во 32. минута заврши во голот на ПСЖ, но Маркињос во 69. минута со уште една мешаница пред голот на Де Хеа донесе супер-важна победа за „светците“. Јунајтед останаа со играч помалку, откако Фред (кој претходно требаше да биде казнет), доби втор жолт картон во 70-тата минута, пред Нејмар во 91. минута да ја потврди победата.

Во групите каде што работите се јасни, немаше големи изненадувања – Јувентус со 3:0 го совлада тимот на Динамо Киев со головите на Федерико Киеза, Кристијано Роналдо и Алваро Мората, Барселона со 3:0 победи кај Ференцварош (Гризман, Брејтвајт, Дембеле), а Челси неочекувано лесно со идентични 3:0 славеше кај Севилја бидејќи Оливие Жиру „збесна“ и постигна четири гола.

ЛИГА НА ШАМПИОНИ, 5.КОЛО

ГРУПА Ф

Борусија Дортмунд – Лацио 1:1

Клуб Бриж – Зенит Санкт Петерсбург 3:0

Табела: 1.Борусија Д. 10, 2.Лацио 9, 3.Бриж 7, 4.Зенит 1

ГРУПА Г

Јувентус – Динамо Киев 3:0

Ференцварош – Барселона 0:3

Табела: 1.Барселона 15, 2.Јувентус 13, 3.Динамо К. 1, 4.Ференцварош 1

ГРУПА Х

Башакшехир – РБ Лајпциг 3:4

Манчестер јунајтед – ПСЖ 1:3

Табела: 1.Манчестер ј. 9, 3.ПСЖ 9, 2.Лајпциг 9, 4.Башакшехир 3

ГРУПА Е

Краснодар – Рен 1:0

Севилја – Челси 0:4

Табела: 1.Челси 13, 2.Севилја 10, 3.Краснодар 4, 4.Рен 1

МАНЧЕСТЕР ЈУНАЈТЕД – ПСЖ

СЕВИЛЈА – ЧЕЛСИ

ФЕРЕНЦВАРОШ – БАРСЕЛОНА

ЈУВЕНТУС – ДИНАМО КИЕВ

Првата ѕвезда на Борусија Дортмунд, норвешката гол-машина, Ерлинг Халанд има скинат бутен мускул и ќе паузира најмалку до јануари, потврди бундеслигашот пред мечот од ЛШ против Лацио.

Зборувајќи за „Скај Германија“ пред мечот, тренерот Лусиен Фавр призна дека можеби згрешил што не го одморил младиот Норвежанец, кој се повреди на тренинг. Ова е голем удар за „милионерите“, бидејќи 20-годишниот Халанд постигна 17 гола во 14 меча оваа сезона откако лани во половина сезона имаше 15 гола во 18 настапи за Дортмунд.

Борусија ги чекаат дури седум меча до крајот на декември, во Бундеслигата, Лигата на шампионите и ДФБ купот. Ова пак, може да значи шанса за 16-годишната сензација Јусуфа Мукоко, кој неодамна стана најмладиот фудбалер во историјата на Бундеслигата.

РБ Лајпциг стигна до луда 4:3 победа на гостувањето кај Башакшехир, поништувајќи го хет-трикот на Ирфан Кахвеџи и поставувајќи притисок на Манчестер јунајтед и Пари Сен-Жермен пред вечерашното дерби.

Краснодар, пак, ја прослави својата прва победа во ЛШ откако со 1:0 ги победи Рен во меч кој може да биде клучен за тоа кој ќе продолжи во Лига Европа од групата Е.

Јусуф Поулсен го донесе тимот на Јулијан Нагелсман во водство во 26. минута, за во 43. минута, Норди Мукиеле да зголеми на 0:2. Надежите на домаќините, кои досега ги победија само Јунајтед во Истанбул, ги загреа Ирфан Кахвеџи со гол во 45. минута. Дани Олмо со фантастичен гол во 66. минута ја врати предноста од два гола, додека Кахвеџи во 72. минута повторно ја врати неизвесноста, за во 85. минута со прекрасен гол од слободен удар да израмни на 3:3. Норвежанецот Александер Сорлот беше човек на одлука, откако Норвежанецот со гол во 92. минута донесе победа за гостите.

Со овој резултат, Башакшехир веќе не е во игра за пласман во осминафиналето на ЛШ, а Лајпциг се израмнува со Манчестер јунајтед на 9 поени, пред ПСЖ со 7 во интересна борба за две места во осминафиналето. Во последното коло, Лајпциг ги пречекуваат Јунајтед, а ПСЖ ги пречекуваат Башакшехир.

ЛИГА НА ШАМПИОНИ, 5.КОЛО

ГРУПА Х

Башакшехир – РБ Лајпциг 3:4

Манчестер јунајтед – ПСЖ 21.00 ч.

Табела: 1.Манчестер ј. 9, 2.Лајпциг 9, 3.ПСЖ 6, 4.Башакшехир 3

ГРУПА Е

Краснодар – Рен 1:0

Севилја – Челси 21.00 ч.

Табела: 1.Челси 10, 2.Севилја 10, 3.Краснодар 4, 4.Рен 1