Феноменален меч одиграа Спартак и Лестер Сити во Москва, во рамки на третото коло од групата Ц во Лига Европа.
Вистинско гол шоу во кое по 90 минути се радуваа фудбалерите од англискиот тим, победа со пресврт од 4-3, на полувреме домашните водеа со 2-1.

Мечот започна со иницијатива на Спартак, а напаѓачот Александер Соболев го отвори резултатот во 11. минута.
Џордан Ларсон, синот на легендарниот шведски фудбалер Хенрик Ларсон во 44 минута од мечот донесе зголемена предност за рускиот тим, 2-0.

Сепак, за поподнослива негатива на паузата се погрижи Патсон Дака (23 години) во 45 минута со првиот од неговите 4 гола на мечот.

Foxes. 𝗡𝗲𝘃𝗲𝗿. Quit. 🦊#SkmLei pic.twitter.com/48kiFWG8Io

— Leicester City (@LCFC) October 20, 2021

Фудбалерот од Замбија, кој беше стрелец за „лисиците“ и на викенд триумфот против Манчестер Јунајтед (4-2) експлодираше во второто полувреме.

Во 48 минута со неговиот погодок носи реми на арената во Москва, а само 6 минути подоцна постигнува хет-трик за водство на Лестер од 3-2.

Дака тука не застана, па во 79 минута и по четврти пат ја смести топката во мрежата на Максименко.

До крајот на мечот Соболев, со својот втор гол успеа само да го ублажи поразот за конечни 3-4.

По три кола во групата Ц, Легиа Варшава се уште е лидер на табелата со 6 бода по 2 кола, втор е тимот на Лестер со 4, додека Спартак е третопласиран со 3 освоени бодови.

На дното е Наполи, на нашиот Елиф Елмас со 1 бод од два одиграни натпревари.

Шпанскиот фудбалски репрезентативец, Дани Олмо, најверојатно уште во јануари ќе ги напушти редовите на Лајпциг, пишува новинарот на германски „Билд“ – Кристијан Фалк.

„Барселона не планира да се откаже од Олмо и во зимскиот преоден рок тргнуваат во нова акција. Планот на Барселона е да го позајми Олмо за вториот дел од сезоната и тогаш да го откупи неговиот договор за 60 милиони евра“, пишува „Билд“.

Барса е првиот избор и за фудбалерот, но доколку клубот од „Камп ноу“ не успее да пронајде пари, 23-годишниот Шпанец би можел кариерата да ја продолжи во Англија. Ситуацијата на релација Лајпциг – Барселона будно ја следат првите луѓе на Манчестер јунајтед и Манчестер Сити, тврди Фалк.

Доколку Олмо би направил трансфер во Барса, веста би ги израдувала и првите луѓе на Динамо Загреб. При трансферот од Загреб во Лајпциг била потпишана согласност клубот од „Максимир“ да добие 20 % од следниот евентуален трансфер на Шпанецот. Во пари тоа би значело дека „модрите“ ќе се офајдат за речиси 8 милиони евра.

Новата сезона во НБА лигата започна минатата ноќ. Минатосезонскиот шампион, Милвоки Бакс играше против тимот на Бруклин Нетс, аспирантот сезонава да стигне на пиедсталот во лигата. Сепак, популарните „елени“ не се предаваат така лесно.

Пред почетокот на натпреварот, традиционално Јанис Адетокумбо и другарите ги добија шампионските прстени како награда за освоената титула минатата сезона.

Прстените ги изработил Џејсон Арашебен од фирмата „Jason of Beverly Hills”.

Толку се големи прстените што се препорачува да се носат околу вратот. Спаѓаат меѓу најскапите во историјата на лигат, преполни со дијаманти, смарагди и злато, а секој детал има своја симболика.

Најважната новина е воведувањето на QR код, со чие скенирање се добива снимка од најважните моменти од походот кон титулата.

"Bucks in 6" 🥶

The Milwaukee Bucks' 2021 NBA championship rings are too clean. pic.twitter.com/OVByP5aJK9

— ESPN (@espn) October 19, 2021