Спорт
Халанд нема да „притиска“ за трансфер ова лето

Сензационалниот напаѓач на Борусија Дортмунд, Ерлинг Халанд вели дека ќе ги почитува желбите на својот клуб и дека нема да бара трансфер ова лето и покрај најавите на неговиот агент Мино Рајола.
Повеќе големи европски клубови го посакуваат потписот на 20-годишниот Норвежанец, и досега интерес покажаа Манчестер сити, Манчестер јунајтед, Барселона и Реал Мадрид, но тој има договор со Борусија до крајот на сезоната 2023/24 и откако успеаја да влезат во Лигата на шампионите тешко дека ќе замине ова лето.
„Борусија Дортмунд велат дека јас останувам 100 отсто ова лето. Имам договор на уште неколку години и ќе го почитувам. Влеговме во Лигата на шампионите што беше многу важно за мене и имам големи соништа. Го освоив мојот прв голем трофеј во купот и чувството беше фантастично, така што сакам уште трофеи“, изјави Халанд.
Дортмунд постојано тврдат дека нема да му дозволат на Халанд да направи трансфер ова лето откако тој постигна 41 голови во сите натпреварувања оваа сезона. За другите негови соиграчи, иднината не е толку сигурна – Дортмунд потврди дека Џејдон Санчо ќе може да замине ова лето ако се остварат „одредени услови“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Левандовски: Борусија не ми дозволи трансфер во Манчестер јунајтед

Полскиот напаѓач Роберт Левандовски е сè уште еден од најдобрите голгетери, иако се приближува кон својата петта деценија. Тој игра елитен фудбал веќе деценија и пол, а откри, дека во минатото бил блиску до преселба на „Олд Трафорд“.
Полјакот ги тресе мрежите во Шпанија, како што тоа го правеше во Германија. Според сопственото признание, во 2012 година бил пред трансфер во Манчестер јунајтед.
– Им реков „да“ вистина е. Но, Борусија не сакаше да ме продаде, мислеа дека ќе вредам повеќе за година или две – рече Левандовски.
Иронијата на судбината сакаше Левандовски навистина да го напушти Дортмунд две години подоцна. Но, тој отиде во Баерн како слободен агент, па Борусија не доби ниту цент од трансферот.
– Можеби малку жалам што не се обидов во Премиер лигата, но кога ќе се осврнам назад, играв за Баерн, Барселона, Борусија Дортмунд и можам да кажам дека сум задоволен од мојата кариера.
Спорт
Сценарио кое никој не го сака – Влаховиќ би можел да остане во Јувентус

Српскиот фудбалер Душан Влаховиќ сè уште не знае каде ќе ја продолжи кариерата и покрај секојдневните информации и шпекулации околу неговата иднина.
Според „Калчомеркато“, само два клуба биле сериозно заинтересирани за напаѓачот, Фенербахче и Милан.
Преговорите со турскиот тим одамна се замрени, додека „росонерите“ практично се повлекоа откако се „шпекулираше“ дека Макс Алегри се свртел кон Расмус Хојлунд од Манчестер јунајтед.
Доколку Данецот навистина дојде во Милан на позајмица, нема да има потреба од трансфер на српскиот напаѓач.
Тогаш сценарио кое ниту Јувентус ниту Душан Влаховиќ не го посакуваа би се реализирало, напаѓачот би останал во Торино.
Играчот влегува во последната година од договорот, а доколку ја помине и сезоната 2025/26 со „старата дама“, тоа значи дека би заминал следното лето без обештетување.
Тоа би бил дополнителен удар за Јувентус, кој нема да врати ниту дел од 70-те милиони (плус уште 10 за бонуси) што ги плати кога Влаховиќ дојде од Фиорентина.
Спорт
Јунајтед не попушта – Челзи за Гарначо треба да плати 58 милионие вра

Челзи го сака Алехандро Гарнача, а Аргентинецот сака да се пресели на „Стемфорд Бриџ“, но бафре засега преговорите со Манчестер јунајтед се тешки.
Челзи за Гарначо понудиле четворица фудбалери: Кристофер Енкунку, Николас Џексон, Аксел Дисаси и Ренато Веига, поточно еден од нив во замена за Аргентинецит.
Наводно, на Јунајтед не му треба ниту еден од овие играчи, бидејќи им се потребни пари за да го засилат редот за врска и потенцијално голманот, Џанлуиџи Донарума.
Јунајтед постави јасна цена за Аргентинецот, таа е 50.000.000 фунти, или 58.000.000 евра и засега одбиваат да ги намалат своите барања.
Челзи ги сака и Џави Симонс и Гарначо, но за да ги реализираат овие трансфери, мора да го продадат гореспоменатиот квартет што му го понудија на Јунајтед.
Преговорите продолжуваат, Симонс и Гарначо веќе се договорија со Челзи и внимателно ги следат преговорите.