Спорт
Халанд со 15. премиерлигашки гол за Сити, убедливи победи на Челси и Њукасл
Ерлинг Халанд, очигледно, има намера да продолжи да ги „тероризира“ премиерлигашките клубови, откако иако имаше релативно лош меч со доста промашувања и една статива, успеа да го постигне својот 15. премиерлигашки гол да помогне Манчестер сити да стигнат до 4:0 победа над Саутемптон и барем привремено да се искачат на првото место на табелата.
Одлична 2:0 победа имаа и Челси на Греем Потер против Вулверхемптон, Њукасл ги декласираа Брентфорд со 4:1, додека Борнмут, кои ќе добијат нови (американски) газди со 2:1 ја золемија мизеријата на Лестер.
Жоао Кансело го отвори резултатот на „Етихад“ во 20. минута, пред Кевин де Брујне, со својата рекордна 95. асистенција да го најде Фил Фоден за 2:0 во 32. минута од мечот. Халанд само успеа да ја погоди стативата во еден интересен обид во првото полувреме. Ријад Марез, кому ми недостасуваа голови во последно време, во 49. минута зголеми на 3:0, за Халанд да ја продолжи лудата серија со гол во 65. минута. За споредба, Халанд оваа година има дадено 15 гола во Премиерлигата, исто колку целиот тим на Челси!
Каи Хаверц во 45. минута и Кристијан Пулишиќ во 54. минута, како и Армандо Броја во 90. минута беа доволни за Челси да стигне до 3:0 победа над Вулверхемптон, додека Њукасл на Еди Хау стигна до 4:1 триумф над Брентфорд со головите на Бруно Гимараеш (2), Џејкоб Марфи и Мигуел Алмирон.
ПРЕМИЕРЛИГА, 10.КОЛО
Манчестер сити – Саутемптон 4:0
Челси – Вулверхемптон 3:0
Њукасл – Брентфорд 5:1
Борнмут – Лестер 2:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.
Спорт
(Видео) Баер 48 натпревари не знае за пораз
Фудбалерите на Баер Леверкузен одамна ја обезбедија првата титула во Бундес лигата и се на два чекори првенството да го завршат без пораз.
Избраниците на тренерот Чаби Алонсо во 32. коло од Бундеслигата убедливо го совладаа Ајнтрахт со 5:1 на гостински терен и со тоа го забележаа 48. последователен натпревар во сите натпреварувања без пораз.
Баер, да потсетиме, е блиску до пласман во финалето на Лига Европа, а наскоро ги очекува финалето во Купот на Германија против Кајзерслаутерн.
Избраниците на Алонсо последен пат загубија на 27 мај минатата година во последното коло од Бундеслигата против Бохум со 3:0.