Новак Ѓоковиќ ја започна 287 недела на челната позиција на АТП листата. Пред него сега е само Роџер Федерер кој во кариерата вкупно 310 недели бил број 1.

АТП листата се уште не е ажурирана бидејќи не е завршен мастерсот во Рим каде Ѓоковиќ во финалето ќе игра против Диего Шварцман.

Ѓоковиќ пред финалето има 10.860 поени и можност со победа да ја зголеми предноста во однос на Рафаел Надал кој во Рим, како бранител на титулата, испадна во четврт-финалето.

Надал има 9.850 поени, а зад него во Топ 5 уште се Доминик Тим (9.125), Роџер Федерер (6.630) и Данил Медведев (5.890).

Лос Анџелес Лејкерс го добија вториот натпревар против Денвер со 105:103 во финалната серија на Западот. Лејкерси победија со тројката која Ентони Дејвис ја постигна со звукот на сирената.

Лејкерси во текот на целиот меч имаа предност меѓутоа не можеа да се одлепат. Во првиот период Лејкерси водеа и со двоцифрена разлика (25:15). На крајот од третиот период Денвер се доближија на само три поени, меѓутоа Лејкерси успеаја во последниот период да се одлепат на 16 коша од противникот.

Финишот на мечот беше исклучително интересен. При водство на Лејкерси 100:92, Никола Јокиќ постигна 13 поени, а Деневер се најдоа пред победа (102;103). Сепак во последниот напад Мејсон Пламли одигра лоша одбрана го остави Дејвис сам кој непречен погоди тројка за конечни 105:103.

Дејвис го предводеше победникот со 31 поен, пет повеќе од Леброн Џејмс кој имаше и 11 скокови и четири асистенции.

Кај Денвер се истакнаа Јокиќ со 30 поени, шест скока и девет асистенции, односно Џамал Мареј со 25 поени.



Реал Мадрид во првиот официјален натпревар во новата сезона одигра 0:0 во Сан Себастијан против Реал Сосиедад.

Во натпревар без многу убавина најголемата шанса за постигнување на гол ја имаа домашните фудбалери. Во 43 минута репрезентативецот на Шведска Исак шутираше но Куртоа брилијанто го спаси својот гол.

Баренечеа имаше обид на стартот од вториот дел кој заврши крај голот. Реал единствено се заканија преку Бензема чии удар го одбрани Ромеро.