Спорт
Хамилтон: Фрустриран сум затоа што не се послушав самиот себе!
Возачот на Мерцедес, Луис Хамилтон денеска трката за ГН на Турција ја заврши на 5. позиција, а по неа, за сајтот на Формула 1 изјави дека се кае што не се послушал самиот себе и што не продолжил да вози со стари гуми, туку ги послушал клупските наредби да замине во пит-стоп.
На 8 круга пред крајот, Хамилтон беше трет, зад Ферстапен. Првиот повик од тимот за менување на гумите го игнорираше, но по новиот повик – прифати. По тоа луто реагираше до инженерот Пит Бонингтон.
„Не требаше да одам, ти реков“ му рече Хамилтон.
По трката се смири, но сепак е уверен дека екипата донела погрешна одлука.
„Мислам дека требаше да останам на патеката, моето чувство беше тоа. Фрустриран сум затоа што не се послушав самиот себе!“ вели Британецот.
Запрашан дали мисли дека гумите би издржале до крај, вели:
„Окон издржа, верувам дека и моите ќе издржеа. Беше добро чувството на третата позиција, си реков ако останам тука тоа е сјаен резултат, со оглед дека тргнав од 11. позиција. Вака е лошо“ – смета тој.
Директорот на Мерцедес, Тото Волф ја поддржа стратегијата на екипата. Тој смета дека ако не ги сменел гумите ќе бил загрозен, а можеби немало да ја заврши трката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.