Спорт
Хамилтон и Ботас пред Ферстапен во борбата за пол-позицијата во Унгарија

Луис Хамилтон ќе стартува од пол-позицијата на утрешната трка за Големата награда на Унгарија. На патеката Хунгароринг, Хамилтон ја освои 101. пол-позиција во кариерата. Британецот ја прекина доминацијата на Ред Бул, пол-позицијата во Унгарија е прва за него уште од трката за Големата награда на Шпанија.
Хамилтон, доминираше во најголемиот дел од квалификациите, а до пол-позицијата дојде на помалку контроверзен начин, што само ќе ги продлабочи лошите односи помеѓу Ред Бил и Мерцедес.
Во последиот круг Мерцедес и Хамилтон максимално им ја отежнаа работата на Ред Бул да постават најдобро време. Во последното излегување на патеката, Хамилтон возеше бавно, Ферстапен го следеше, и двајцата во последните секунди влегоа во своите летечки кругови, но Холанѓанецот немаше шанси да му се доближи а ривалот.
Хамилтон пол-позицијата ја освои со време 1:15, 419 минути. На стартот веднаш до него ќе биде клупскиот колега Валтери Ботас.
Траката од вториот ред ќе ја започнат возачите на Ред Бул, Ферсрапен и Серхио Перез.
Место меѓу најдобрите десет на стартот изборија Пјер Гасли, Ландо Норис, Шарл Леклер, Естебан Окон, Фернандо Алонсо и Себастијан Фетел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA