Ленон Кастилјо излезе од болница и е свесен, откако во саботата навечер доби брутален нокаут од Британецот Калам Смит во пред-мечот на дуелот Олександер Усик-Ентони Џошуа.

Со фантастична десница на Смит, Кастилјо (21-1-4) остана на подот, а судијата Боб Вилијамс веднаш го прекина мечот. Смит (28-1) почна да прославува, но ведаш му беше јасно дека нешто не е во ред со противникот, кому му се тресеа нозете.

33-годишниот Кастилјо, ветеран од Доминиканската Република, доби медицинска помош неколку минути, по што беше изнесен на носилки, а промотерот Еди Херн потврди дека тој е свесен и во добра состојба.

Страшен нокаут во Тотенхем арена

Новиот фудбалски директор на Тотенхем, Фабио Паратичи ќе се обиде во јануари да го донесе својот поранешен фудбалер од Јувентус, Швеѓанецот Дејан Кулушевски, тврди „Дејли стар“.

Паратичи е голем поддржувач на 21-годишниот Швеѓанец со македонско потекло, откако тој беше клучен за неговиот трансфер од Аталанта во Јувентус. Кулушевски се мачи да ја врати формата и да освои стартно место во Јувентус оваа сезона, откако лани под Андреа Пирло одигра 47 меча, во кои постигна 7 гола.

Оваа година, под Макс Алегри, тој има само еден старт во Серија А, и според „Дејли стар“, Тотенхем пратиле скаути на мечот на Јуве против Малме, каде што Кулушевски доби само 7 минути игра.

Кристијано Роналдо сака да остане во Манчестер јунајтед и по фудбалската пензија, во обид да стане тренер во тимот и да го надгледува прогресот на неговиот син Кристијано Јуниор, тврди британскиот таблоид „Сан“.

36-годишниот Португалец потпиша двегодишен договор со опција за трета година со својот стар клуб, и се надева дека ќе може да продолжи со играње до својот 40-ти роденден, но потоа планот е да продолжи да биде тренер кај „ѓаволите“, каде што стана ѕвезда кога пристигна како тинејџер под Алекс Фергусон.

Неговиот 11-годишен син Кристијано Јуниор, почна да работи со јуниорските тимови на Јунајтед во Салфорд, заедно со 10-годишниот син на Немања Матиќ, Филип. Јунир претходно играше за младинскиот тим на Јувентус, каде што на 9 години постигна четири гола на еден меч.

„Роналдо јасно им порача на сите дека пристигна во Јунајтед за да помогне да се освојуваат трофеи. Но, во умот, тој не планира да игра уште долго. Многу фудбалери почнале со тренерската кариера во Јунајтед и тој смета дека тоа е добра околина за следниот чекор во неговата кариера. Тој е опседнат со фудбалот и ги познава сите детали на играта“, вели неименуван извор за „Сан“.