Спорт
Фатих Терим го блокирал трансферот на Алиоски во Галатасарај

Пропаднал трансферот на Езџан Алиоски во Галатасарај, тврди „А спор“. Инаку, вчера, речиси сите спортски медиуми во Турција објавија дека Алиоски договорил четиригодишна соработка со Галатасарај, вредна 2,2 милиона евра од сезона.
Легендата на турскиот фудбал, тренерот на Галатасарај, Фатих Термин, ја блокирал реализацијата на овој трансфер.
Според Терим, финасискиот дел од договорот на Алиоски ќе претставувал голем товар за клубот. Тренерот смета дека пресметал оти кога ќе се соберат платата што треба да ја добие Алиоски, бонусот што треба да му биде исплатен за потписот и менаџерската провизија, за четири години, клубот ќе го чинат 18 милиони евра.
За Терим, тоа е сума што Галатасарај не може да си ја дозволи.
Алиоски минатите четири години ги мина во Лидс јунајтед. Тој како слободен играч замина од Англија. Интерес за неговите услуги, покрај Галатрасарај, покажа и неколку клубови од Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.