Спорт
Хамилтон за својот моден избор: Секој треба да биде тоа што сака

Луис Хамилтон како многупати досега го искористи пристигнувањето на Турското ГП да носи храбар избор на облека со син килт и јакна во Истанбул и посочи дека сака да ги инспирира другите да бидат потолерантни.
36-годишниот Ф1-великан одговори на прашањата што немаат врска со тесната битка за титулата со холандскиот ривал Макс Ферстапен.
„Мислам дека килтот е храбар. Навистина ми се допаѓа што прави ‘Барбери’ и се заљубив во оваа облека. Кога ќе најдам нешто онлајн што ми се допаѓа, го земам. Пред неколку години имав фотосесија за ‘Џи кју’ со килт, кој беше посебно направен од Томи Хилфигер. Секој може да носи што сака. Има луѓе што нема да го разберат изборот, но тоа е океј. Се надевам дека некому ќе можам да му го отворам умот и да покажам дека може да биде она што сака“, вели Хамилтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
РФМ ги донираше финансиските средства од хуманитарниот меч „Сите ѕвезди“ во СОС Детско село

Челниците на Ракометна федерација на Македонија, претседателот Живко Мукаетов и генералниот секретар Филип Милошевски го посетија СОС Детско село. Ветувањето е остварено, донацијата од настанот „Сите ѕвезди“ ќе заврши кај оние што им е најпотребна.
„Вкупниот износ кој е собран од продажбата на билети за хуманитарниот ракометно музички спектакл одржан на 3 јануари 2023 година во организација на Ракометната федерација на Македонија, изнесува 1,372,550 денари, која сума ќе биде донирана на организацијата „СОС Детско село“.
„Сите Ѕвезди за СОС Детско село“ го славеше ракометот, го славеше спортот. Победи човечноста и хуманоста. Заедно покажавме дека македонската нација е хумана, а спортот има посебна моќ да нѐ вивне во височините и да ни пружи уникатна доза на среќа.
Сакајте го и негувајте го македонскиот спорт“, потенцираа од РФМ.
Спорт
Данска ги пречека ракометните херои

Данска ги пречека ракометарите кои направија неверојатен успех откако третпат по ред ја освоија светската круна. Тоа предизвика голема еуфорија во центарот на Копенхаген каде повеќе од 20.000 фанови се собраа да им оддадат признание за големиот успех.
Данска ја победи Франција во финалето на Светското првенство, а селекторот Николај Јакобсен и ракометарите добија овации на пречекот.
„Ова е најголемиот момент во мојот живот. Ова не се опишува со зборови. Благодарност до сите што ни приредија ваков пречек, а ние ќе се трудиме и во иднина да ве радуваме“, изјави голманот Никлас Ландин.
Young guns 💪🏻
🎥: @TV2SPORTdk #handball pic.twitter.com/BFSrIszoB8— Rasmus Boysen (@RasmusBoysen92) January 30, 2023
Спорт
Арсенал го доведе Жоргињо, ќе тргне ли и по Тилеманс или Каиседо?

Англискиот премиерлигаш Арсенал успеа да го доведе италијанскиот репрезентативец Жоргињо од Челси. Тој ќе потпише договор до јуни 2024 година, а Челси ќе добие околу 12 милиони евра за фудбалерот кој беше на шест месеци пред истек на договорот.
Менаџерот на Арсенал, Микел Артета, се обидува да доведе квалитетни играчи за врска во битката за шампионската титула во Премиерлигата. Кога е завршена работата со Жоргињо, сега „топчиите“ ќе се фокусираат и на преговорите со Брајтон за Моисес Каиседо. За Еквадорецот „топчиите“ доставија понуда од 70 милиони фунти.
Jorginho to Arsenal, here we go! Deal agreed on £12m fee, Chelsea accept conditions and documents are being prepared 🚨⚪️🔴 #AFC
Personal terms agreed, contract until 2024 with option further year.
First contact revealed yesterday night — medical booked.
Arteta, key factor. pic.twitter.com/JHm1rMTzxw
— Fabrizio Romano (@FabrizioRomano) January 31, 2023
Во последниот ден од преодниот рок Арсенал би можел да го ангажира Јури Тилеманс од Лестер. Белгиецот некое време се поврзува со трансфер на „Емирати“, а веќе е познато дека сака да соработува со Микел Артета.