Спорт
Познати 30-те кандидати за „Златната топка“, фаворитот пак е Меси?
„Франс фудбал“ ги објави 30-те фудбалери кои се номинираи во изборот за „Златната топка“, откако лани, помалку неправедно, не ја доделија наградата за најдобар играч поради пандемијата на КОВИД-19.
Фаворит за рекордна седма титула од „Балон д’ор“ според француските медиуми повторно е Лео Меси, кој иако имаше лоша сезона со Барселона, успеа да стигне до титулата од Копа Америка со Аргентина, негов прв голем трофеј со репрезентацијата.
Друг фаворит сигурно е и Жоржињо, плејмејкерот на Челси, кој оваа сезона покрај трофејот од Лигата на шампионите, стигна и до европската титула со Италија.
СИТЕ НОМИНИРАНИ:
ГОЛМАНИ: Џанулуиџи Донарума (Италија, ПСЖ).
ОДБРАНА: Цезар Азпиликуета (Шпанија, Челси), Леонардо Бонучи (Италија, Јувентус), Џорџо Кјелини (Италија, Јувентус), Рубен Дијаш (Португалија, Манчестер сити), Симон Кјер (Данска, Милан).
СРЕДЕН РЕД: Николо Барела (Италија, Интер), Кевин де Брујне (Белгија, Манчестер сити), Фил Фоден (Англија, Манчестер сити), Жоржињо (Италија, Челси), Н’Голо Канте (Франција, Челси), Ријад Марез (Алжир, Манчестер сити), Лука Модриќ (Хрватска, Реал Мадрид), Мејсон Маунт (Англија, Челси), Педри (Шпанија, Барселона).
НАПАД: Кристијано Роналдо (Португалија, Манчестер јунајтед), Лионел Меси (Аргентина, ПСЖ), Карим Бензема (Франција, Реал Мадрид), Ерлинг Халанд (Норвешка, Борусија Дортмунд), Хери Кејн (Англија, Тотенхем), Роберт Левандовски (Полска, Баерн Минхен), Лаутаро Мартинез (Аргентина, Интер), Нејмар (Бразил, ПСЖ), Бруо Фернандеш (Португалија, Манчестер јунајтед), Жерард Морено (Шпанија, Вилјареал), Мохамед Салах (Египет, Ливерпул), Рахим Стерлинг (Англија, Манчестер сити), Луис Суарез (Уругвај, Атлетико Мадрид).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.