Спорт
Хана Шмиц, дамата која ги надмудрува Ферари оваа сезона!
Макс Ферстапен, по неверојатната победа на Унгарското ГП минатиот викенд, во кој тој стартуваше од 10. место, актуелниот светски шампион изјави дека најзаслужна за та е Хана Шмиц, главниот инжинер за стратегии на Ред бул, велејќи дека таа е „лудо смирена“ личност.
Ред бул планираа да стартуваат со двајцата возачи на тврди гуми, за да можат да имаат подолг прв престој на патеката и да скокнат од 10. и 11. позиција. Но, поради невообичаено ниските температури во Унгарија, тимот се реши да стартува на меки гуми, нешто што беше клучно за победата на Ферстапен.
Од друга страна, ривалите на Ред бул, Ферари направија грешка кога поставија тврди гуми при влегувањето во боксот на Шарл Леклер, нешто што ги чинеше победа и подиум. Ферстапен вели дека е воодушевен од смиреноста на Шмиц и вистинската проценка.
„Не смееш да си дозволиш многу грешки. Секако, тешко е секогаш да си во право, но мислам дека имаме многу фантастични момци и девојки во тимот. Денеска, сигурно Хана, нашиот главен стратег беше лудо смирена. Да, таа е навистина толку добра“, изјави Ферстапен по трката.
Британката Шмиц, која е во Ред бул веќе 13 години, оваа година имаше уште една фантастична проценка со кој помогна Серхио Перез да стигне до победата во Монако, но вели дека Ф1 е „колективен“ спорт.
„Ние сме еден тим, така што во текот на целиот викенд има соработка меѓу сите, се разгледуваат сите опции и ставови. Не секогаш се најважни податоците и бројките. Возачите имаат свое чувство во болидот, така што и нивниот глас мора да се слушне, а тркачките инженери имаат поинакви податоци од тие кои ја прават стратегијата. На крајот, ние ја носиме главната одлука. Во Унгарија беше интересно бидејќи беше класична стратегија, ‘андеркатот’ ни успеа и тоа беше возбудливо. Макс вели дека сум смирена? Па, да останеш смирен е најважно за секого кој први стратегија“, вели Шмиц за „Скај спортс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.