Спорт
Хаос на средбата за помирување во Нови Пазар, навивачите го нападнале капитенот
 
																								
												
												
											Филип Кљајиќ, голман и капитен на фудбалскиот клуб Нови Пазар, се пожали на тортурата низ која поминал пред неколку дена. Се се случи по поразот на неговиот тим од Колубара (0:1).
Нови Пазар игра добра сезона, клубот се наоѓа во борба за местата кои обезбедуваат пласман во европските купови. Во минатото коло, Колубара победи во Нови Пазар. По мечот навивачите започнале да ги пцуијат играчите, поради што Кљајиќ како капитен застана во нивна одбрана.
„По мечот со Колубара отидовме да се поздравиме со навивачите, а тие почнаа да не навредуваат. Јас како капитен застанав зад тимот и одговорив дека не гледам што е проблемот бидејќи играме добро и се се уште се бориме за висок пласман. Ни замерија. поради еден пораз. Меѓутоа, тогаш ме нападнаа, почнаа да ме навредуваат на верска и национална основа. Би било невкусно да ги кажам какви зборови ми упатија“, рече Кљајиќ. како што пренесуваат српските медиуми.
Неколку дена подоцна на инсистирање на генералниот секретар на клубот, Фикрет Меѓедовиќ инсистирал двете страни да ги закопаат „воените секири“. Во кафулето каде што се сретнале се тргнало наопаку за поранешниот голман на Партизан.
„Ме покани повторно да се сретнам со навивачите. И таму доживеав малтретирање, уште полоши работи од претходно. Тоа тој го виде. Ме фатија за глава, ми ги вртеа ушите и ми се заканија дека ќе ми ги скршат рацете и ќе ми ги извадат очите”, рекол Кљајиќ и дополнил дека нема намера да се враќа во клубот. .
Покрај голманот Нови Пазар остана и без тренер. Имено, челниците по поразот го сменија тренерот Станковиќ и го ангажираа Феѓа Дудуиќ. Кога поранешниот тренер на Сараево дознал што му се случило на голманот Кљајиќ веднаш се вратил назад во Сараево.
Тој изјавил дека „атмосферата и амбиентот што се создадени околу клубот не може да донесе ништо добро, ниту може да се работи нормално“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
(Видео) Епски пресврт на Палмеирас – „Зелените“ ќе се борат за трофејот во Копа Либартадорес
 
														Палмеирас и Фламенго ќе се борат за титулата во јужноамериканска Лига на шампиони, наречена Копа Либертадорес.
Палмерира на спектакуларен начин избори пласман во финалето. Успеа да надомести минус од три гола против ЛДУ Кито. Бразилскиот тим победи со 4:0.
ЛДУ Кито сензационално елиминира два бразилски тима во нокаут фазата – Ботафого и Сао Паоло, и беше на работ на третата сензација, но се случи „чудо“.
Еквадорците направија големо изненадување во првиот натпревар и славеа со 3:0, па Палмеирас имаше тешка задача.
Рамон Соса го доведе домашниот тим во водство во 20-та минута, а длабоко во судиското продолжение од првото полувреме, Бруно Фукс постигна гол за 2:0. Второто полувреме донесе жестоки напади на домашниот тим, кои вродија со плод и донесоа новхерој.
Рафаел Вега, клупска икона која е во овој клуб речиси една деценија, постигна два гола за голема победа на Палмеирас.
South American fans are built different, the Copa Libertadores will forever be the best atmosphere in club soccer.
Bravo Palmeiras 🇧🇷 fans, bravo. One of the best fans in the World.
pic.twitter.com/xk8xZrNK5w— Tactical Manager (@ManagerTactical) October 30, 2025
Финалето на Копа Либертадорес е закажано за 29 ноември на стадионот Монументал во Лима (Перу).
Копа Либертадорес и седма година по ред за шампион ќе има бразилски тим, што доволно зборува за супериорноста на Бразилците во однос на најголемите ривали Аргентинците во последните години. Последниот аргентински шампион беше Ривер Плата во 2018 година, а потоа следеа по две титули на Палмеирас и Фламенго, и по една Флуминенсе и Ботафого.
Спорт
Вембањама го „олади“ Мајами, Оклахома лесно со Вашингтон
 
														Сан Антонио и Оклахома запишаа нови победи во НБА лигата. Сан Антонио го бележи најдобриот страт на една сезона во историјата на франшизата, пет победи во исто толку натпревари. Шест победи во шест натпревари има актуелниот првак Оклахома.
Сан Антонио Спарс славеа во суелот со Мајами Хит 107:101. Виктор Вембањама ги предводеше „Мамузите“ до нивната петта победа во исто толку натпревари со 27 поени, 18 скока, 6 асистенции и 5 блокади. По него следеше Стефон Касл со 21 поен и 8 асистенции. Кај Хит, Бем Адебајо блескаше со 31 поен и 10 скока, но тоа не беше доволно за Мајами да се оддалечи од четвртиот изедначен триумф.
Шампионот Оклахома Тандер рутински го победи Вашингтон со 127:108 и ја забележа шестата победа во исто толку натпревари. Шеј Гилџес Александар имаше 31 поен и 7 асистенции, а Џо и Мичел постигнаа по 20. Кај Вашингтон, Си-Џеј Меколум се истакна со 19.
Милвоки го победи Голден Стејт со 120:110 и без Јанис Антетокумпо (проблеми со коленото), а Ролинс го одигра најдобриот меч во кариерата со 32 поени. Орландо беше подобар од Шарлот на гостински терен со 123:107, а најдобри актери беа главните ѕвезди на тимот Франц Вагнер со 21 и Паоло Банкеро со 20 поени.
Спорт
Официјално – Лучано Спалети го презеде Јувентус
 
														Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											