Спорт
(Видео) Хаос во Бреша – Хулигани се тепаа со полиција, палеа автомобили и го демолирале тренинг кампот
 
																								
												
												
											Еден од култните италијански клубови, Бреша, доживеа историска катастрофа на домашен терен. Во реваншот од плејофот за опстанок во Серија Б, до петтата минута од судиското време водеше со 1:0 против Козенца, која првиот меч го доби со истиот резултат. Но во последниот напад гостите постигнаа гол и се спасија од испаѓање.
Навивачите на Бреша тешко се помирија со фактот дека нивниот клуб, наредната сезона ќе игра во Серија Ц. За потсетување пред три сезони Бреша играше во Серија А, а сега по 38 години испадна во третата лига. Сепак, никој не можеше да претпостави во што ќе се претвори огорченоста на локалните ултраси.
Веднаш по примениот гол, навивачите на Бреша започнаа да фрлаат на теренот пиротехнички средства, по што од северната трибина истрчаа на теренот мавтајќи со факели. Судиите и играчите на двата клуба побегнаа во соблекувалните.
Натпреварот продолжи откако полицијата по жестока битка успеа да ги исфрли навивачите на Бреша од теренот.
Triste lo del Brescia https://t.co/TpkzsdcDH4
— Alejandro C. (@Jano_CC) June 2, 2023
По пресметката со полицијата на теренот, навивачите на Бреша го напуштија стадионот, но со цел да направат хаос надвор од него. Од паркингот фрлаа ракети на трибината каде беа гостинските навивачи, поради што  судијата дефинитивно го заврши натпреварот иако имаше уште минута и пол за игра.  Хулиганското дивеење потоа продолжи околу стадионот.
Навивачите на Бреша запалија автомобили, меѓу кои и автомобилот на Матје Хуард, дефанзивецот на нивниот клуб и продолжија да се тепаат со полицијата на улиците околу стадионот. Дел од ултрасите отишле во тренинг кампот Бреша оддалечен 20 километри и го демолирале.
Потоа, навивачите на Бреша поставија контролни пунктови низ целиот град, каде што ја чекаа полицијата, противничките навивачи и играчите на клубот за кој навиваат…
Затоа играчите на Бреша, како и членовите на нивните семејства, останаа затворени до раните утрински часови на стадионот под полициска заштита.
01.06.2023🇮🇹 Seria B, play off, Brescia – Cosenza https://t.co/Fjy3xrlEmQ pic.twitter.com/1laKmDdfKO
— Hooligans.cz Official (@hooliganscz1999) June 1, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Драматична победа на Вардар во дербито против Силекс
 
														Вардар и по 11-то коло остана лидер на табелата во Првата македонска фудбалска лига и единствен е без пораз во досегашнуот тек од сезоната.
Вардар во дербито на колот го обеди Силекс со 2.1. Со оваа победа, „црвено-црните“, се лидери на табелата со 27 поени, еден повеќе од Струга, три во однос на Шкендија и шест во однос на Силекс.
Жестоко и во добро темпо започна дербито во Скопје. Во првите 15 минути беа постигнати два гола. Омерагиќ погоди за Врадар во осмата минута, а во 14-та изедначи Хрвановиќ.
Во вториот дел, во 85-та минута црвен картон доби голманот на Силекс, Џеков. Невнимателно тој направи фаул врз Салиу надвор од шеснаесетникот.
Победата Вардар ја обезбеди во 100-та минута, кога од пенал погоди Мато. На пеналот му претходеше играње со рака на Ефтимов.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6yv21o”,”div”:”rumble_v6yv21o”});
Табела:

Фото/ фк вардар
Спорт
Се подготвуваат три големи трансфери во НБА
 
														Најдоверливиот кошаркарски новинар Шамс Чаранија зборуваше за можноста некои НБА суперѕвезди да заминат од своите клубови.
Сезоната започна, преговорите за разменiи се во тек и ќе траат до февруари.
Чаранија беше гостин во емисијата „Флагрант подкаст“ и беше замолен да коментира кои играчи би можеле да го сменат тимот до следното лето.
Тој започна со Јанис Адетокумбо и Тре Јанг, пред да ја елаборира ситуацијата со плејмејкерот на Атланта.
„Тре не го обнови договорот, му останува уште една година, слободен ќе биде следното лето. Може да остане во Атланта, но пазарот е отворен за него“, вели Чаранија.
Тој ја спомена можноста Леброн Џејмс да ги напушти Лос Анџелес Лејкерс.
„Сè уште не знаеме каде ќе оди Леброн, дали ќе ја заврши кариерата со Лејкерс, дали ќе се пресели некаде. Мислам дека сето тоа во моментов е во магла, дури ни самиот Леброн не го знае тоа сè уште“, додаде новинарот на „ESPN“.
Спорт
Дукати најде замена за Маркез во Супербајк
 
														Овогодишниот вицешампион во Супербајк, Николо Булега ќе го замени Марко Маркез на последните две трки од сезоната, во Портимао и Валенсија.
Макез, деветкраен светски шампион ја заврши сезоната по инцидентот на Големата награда на Индонезија, во кој се здоби со фрактура на клучната коска и оштетување на лигаментите.
Дукати минатата недела потврди дека Маркез ќе го пропушти не само финалето на сезоната, туку и предсезонските тестови во Валенсија два дена по последната трка од сезоната.
Шпанецот беше заменет од тест возачот Микеле Пиро на трките во Австралија и Малезија, а одлуката да му се даде можност на Булега да дебитира беше донесена откако ги заврши тестовите во Херез оваа недела.
За Италијанецот, Големата награда на Португалија, која се одржува од 7 до 9 ноември, ќе биде негово деби во кралската класа, откако имаше вкупно 99 стартови во пониските класи, со два подиума.
Булега беше најавен уште порано како засилување за тест тимот на Дукати, особено поради фактот што има искуство со гумите на Пирели, кои ќе пристигнат во кралската класа од 2027 година.
Италијанскиот тим имаше можност да организира приватен тест за Булега и покрај отстапките, бидејќи Херез е патеката на која влезе Дукати, а Италијанецот не е еден од стандардните возачи.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											