Серген Јалчин повеќе не е тренер на фудбалерите на Бешикташ. Јалчин претпладнево поднел оставка на функцијата. Бешикташ се наоѓа во серија од осум порази, во сите натпреварувања.

Јалчин, минатата сезона, со Бешикташ ги освои првенството и купот на Турција, но оваа сезона работите се сменија. Во Лигата на шампионите турскиот тим не освои ниту еден бод, а во домашното првенство се наоѓа на деветтото место.

Клупската управа како привремен тренер го назначи предводникот на младинскиот тим, Ореден Каравли.

Формула 1, во четвртокот објави, дека трки во Абу Даби ќе се возат најмалку до 2030 година.

Абу Даби е во фокусот на вниманието на Ф1 фановите, в недела, во последната трка ќе биде познатот кој ќе биде шампион. Луис Хамилтон и Макс Ферстапен со ист број на бодови влегуваат во завршниот чин од оваа сезона.

Ф1, пред одржувањето на прес конференциите на тимовите и возачите, објави дека е постигнат договор со менаџментот на компанијата „Абу Даби Мотоспорт“.

Патеката „Кас марина“, во календарот се наоѓа од 2009 година.

Претседателот на УЕФА, Александар Чеферин, се наоѓа на листата на највлијателните Европејци. На листата кој традиционално ја објавува „Политико“, има 28 луѓе од политиката и шоу-бизнисот. Меѓу другите на оваа листа се најдоа новиот германски канцелар, Олаф Шолц и претседателката на Европската унија, Урсула фндер Лејен.

Чеферин местото на листата си го заслужи со улогата што ја имаше во осуетувањето на идејата за основање на Европската Суперлига и спротивставувањето на идејата на ФИФА, Светските првенства да се одржуваат на секои две години.

„Успеа да им застане на патот на најмоќните клубови и да ја запре нивната идеја за формирање на Супер лигата. Таа идеја тој ја нарече „себична и срамна“. Сега се бори против ФИФА и нејзината идеја СП да се играат на секои две години“, стои во образложението на „Политико“.