Спорт
Мбапе го победи Бензема против Казахстан – „лалињата“ овенаа во финишот во Подгорица

Голгетерите на француската фудбалска репрезентација – Килијан Мбапе и Карим Бензема на вечерашниот дуел против Казахстан во рамки на квалификациите за пласман на Мундијалот во Катар се натпреваруваа кој ќе постигне повеќе голови против аутсајдерот.
Првото полувреме му припадна на младиот напаѓач на ПСЖ кој за само 26 минута стигна до хет-трик. Мбапе ги „начна“ Казахстанците во 6. минута.
Веќе во 12. минута беше 2:0, третиот гол го постигна во 32 минута, по втората асистенција вечерва на Коман.
Во второто полувреме се разбуди напаѓачот на Реал Мадрид. Бензема во 55 минута зголеми на 4-0, а во 59 минута ја испрати „петардата“ до Казахстанците.
Нивното шоу го расипа играчот на Јувентус, Рабио со голот во 75 минута за 6-0.
Сепак, до крајот на мечот „петлите“ постигнаа уште два гола. Најпрво Гризман во 84 минута погоди за 7-0, а Мбапе дефинитивно го „доби дуелот“ со Бензема – постигна четврти гола, осми за својата селекција во 87 минута.
Французите на коло пред крајот го заверија пласманот во Катар, па во последното коло кај Финска ќе играат само за својата чест, додека со триумф на Финците тие ќе играат бараж за пласман на СП.
Ѕвездата на Барселона – Мемфис Депај беше на само чекор вечерва да ја завери мундијалската виза на Холандија на гостувањето кај Црна Гора. Тој постигна 2 гола кои ќе беа доволни за „лалињата“ на коло пред крајот на квалификациите како лидери на табелата да им побегнат на конкурентите Турција и Норвешка.
Депај погодоците во Подгорица ги постигна во 25 минута од пенал и во 54 минута. Кога Холанѓаните веќе помислија дека пласираа во Катар, Црногорците со два брзи гола во финишот спречија промоција уште вечерва.
Вукотиќ во 82 и Вујновиќ во 86 минута изборија реми за својата селекција 2-2, а ги оставија Турција и Норвешка во надеж за пласман на Мундијалот.
На коло до крајот двете селекции имаат по 18 бода, а Холандија има 20 и во последното коло во Ротердам ја пречекува Норвешка.
Вечерва и Белгија го завери пласманот на Мундијалот. „Ѓаволите“ лесно со 3-1 славеа против Естонија и на коло пред крајот ги решија дилемите околу учеството на Светското првенство.
Погодоците за Белгија беа дело на Бентеке (11 минута), Караско (53 минута) и Торган Азар (74 минута), додека единствениот погодок за Естонците беше дело на Сорга во 70 минута.
Чекор поблиску до бараж за пласман на СП направи и Велс. На домашен терен со убедливи 5-1 славеа против аутсајдерите Белорусија. Ремзи постигна два гола, а по еднаш прецизно стрелаа Вилијамс, Дејвис и Робертс за 3 бода предност пред конкурентот за пласман во баражот – Чешка на коло до крајот од квалификациите.
Почесниот гол за Белорусите беше дело на Контсевој во 87 минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ливерпул го поставија Шмадке како нов спортски директор

Ливерпул го потврдија именувањето на Јерг Шмадке како нов спортси директор, кој ќе го предводи „ремонтот“ на тимот ова лето по неуспешната сезона во која „црвените“ не успеаја да влезат во Лигата на шампиони.
Германецот Шмадке помина повеќе од четири години на иста позиција во Волфсбург пред да си замине на стартот на годината, а работеше и во Келн, Хановер и Алеманија Ахен. Тој ќе почне со работа на 1 јули и ќе го замени Џулијан Ворд, кој заминува по една деценија на „Енфилд“, но само 12 месеци на оваа позиција.
Ливерпул завршија петти во Премиерлигата, и нема да играат во ЛШ првпат од 2016/17.
Спорт
Хоселу е на чекор до трансфер во Реал
Реал Мадрид е многу блиску до потпис со нов напаѓач. Станува збор за 33.годишниот центарфор на Еспањол, Хоселу. Тој треба да пристигне на позајмица, пишува „Марка“, а Реал само ќе ја преземе обврската да му ја исплаќа платата. Постои можност и по позајмицата да остане играч на Реал. Тој наводно ќе ја активира клаузулата во договорот со која ќе може да си замине доколку клубот испадне, што ќе се случи на крајот од сезоната.
Хоселу е искусен напаѓач кој пред 12 години играше за Реал Мадрид, односно неговиот друг тим Кастиља. За првиот тим има одиграно еден натпревар во сезоната 2011/2012.
Потоа смени многу клубови, играше за Хофенхајм, Ајнтрахт Франкфурт, Хановер, Стоук Сити, Депортиво, Њукасл, Алавес, пред минатото лето да пристигне во Еспањол.
Тој е во фантастична форма оваа сезона. Постигна 17 гола во сите натпреварувања и пред крајот на сезоната се наоѓа на третото место на листата на најдобри стрелци во Примера. Пред него се само Левандовски и Бензема.
Спорт
Покетино почна со чистката – Челси нема да го откупи договорот на Феликс

Маурисо Покетино, новиот тренер на Челси, започна со чистката во соблекувалната. Аргентинецот, вчера потпиша две годишен договор, а денес го известил Жоао Феликс дека неговиот договор нема да биде откупен од Атлетико Мадрид.
Жоао Феликс, во јануари, се пресели на позајмица во Челси. „Сините“ за него на Атлетико му платија 11 милиони евра. Феликс неколку пати изјави дека сака да остане на „Стенфорд Бриџ“. Покетино нема да му ја исполни желбата.
Феликс за Челси одигра 20 натпревари и постигна четири гола.
„Челзи не извести дека Покетино не го сака Феликс и дека нема да го откупат неговиот договор. По истекот на позајмицата, тој ќе се врати во Атлетико, а потоа ќе видиме што ќе се случи. Во моментов немаме планови за него”, им откри во вторникот на шпанските новинари, пртседателот на Атлетико, Енрике Серезо.
Жоао Феликс е првата „жртва“ во ерата на Покетино во Челси. Се очекува во преодникот рок клубот да го напуштат Кристијан Пулишиќ, Хаким Зијеш, Калиду Кулибали, Мејсон Маунт, Нголо Канте…