Спорт
Хрватите се „разбудија“ за победа над Црна Гора, Криштопанс недоволен за Летонците (видео)
Хрватска одигра лошо прво полувреме, но во второто целосно доминираше за со убедлива 27:21 победа над Црна Гора да го стартува настапот на Европското првенство во ракомет. Летонија пак, иако во својот тим го имаше џинот на Вардар, Даинис Криштопанс, загуби убедливо од актуелниот шампион Шпанија со високи 33:22.
Дуелот во Грац беше израмнет во првото полувреме, откако Црногорците тргнаа силно и имаа предност од 13:12 по 30 минути игра, пред „Каубојците“ на Лино Червар да направат серија од 5:1 на почетокот на второто полувреме, разлика која потоа беше недостижна за „лавовите“. Поранешниот вардарец, Лука Циндриќ беше најефикасен со шест гола, додека по четири за „коцкестите“ имаа Мариќ и Хорват, додека за Црна Гора, Грбовиќ имаше шест гола.
Шпанците пак, како актуелни шампиони, започнаа со убедлива 33:22 победа над дебитантот Летонија, која пружи отпор во првото полувреме. Откако им се доближија на 18:16 во второто полувреме, Шпанците имаа 7:0 серија и го решија победникот. Даинис Криштопанс беше најдобар кај Летонците со седум гола, додека кај Шпанците Фернандез имаше пет гола, а Соле додаде четири.
ЕВРОПСКО ПРВЕНСТВО 2020
ГРУПА А
Белорусија – Србија 35:30 (16:15)
Хрватска – Црна Гора 27:21 (12:13)
ГРУПА Ц
Германија – Холандија 34:23 (15:13)
Шпанија – Летонија 33:22 (14:11)
Watch the Game Highlights from Croatia vs. Montenegro, 01/09/2020 pic.twitter.com/YbmX9AEP3y
— EHF EURO (@EHFEURO) January 9, 2020
Dainis Kristopans is making sure @LVhandball ?? are right in this match! Amazing stuff from the giant right back. ?#ehfeuro2020 #dreamwinremember pic.twitter.com/06l8anx2gm
— EHF EURO (@EHFEURO) January 9, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Бевме пијаници, а потоа дојдоа нутриционистите…“
Легендите на Манчестер Јунајтед, Рој Кин и Гери Невил, во еден подкаст открија дека дека со денови се пијанеле по натпреварите во Премиерлигата. Станува збор за периодот кој некии го нарекуваат и златна ера на тимот кој тогаш го предводеше сер Алекс Фергусон.
„Луѓето велеа дека сум добар професионалец, но некои работи што ги правев беа апсолутно срамни – покајано вели Кин.
Детално опиша како се пијанчел, особено во нефудбалските денови.
„Многу пати одев во сабота по натпреварот, во недела, понеделник, вторник… Да бидам фер, би ја поставил границата во среда“, откри освојувачот на седум Премиер лиги, четири ФА купови и Лигата на шампиони.
Во 2002 година, Ирецот во својата автобиографија „Второто полувреме“ призна:
„Имаше период, во раните 90-ти, кога бев алкохоличар. За среќа, успеав да се извлечам од тој виор. Сега пијам само вода.“
Гери Невил го надополни соиграчот, велејќи дека многу од најдобрите играчи биле озлогласени алкохоличари.
„Причината поради која се извлекувавме е што другите тимови го правеа истото. Сè додека секој можеше да испие десет големи кригли, бевме на исто ниво на кондиција“, раскажа трофејниот десен бек од „Олд Трафорд“.
„Знаете… Јас го анализирам периодот пред сезоната 1995/96 година, сите играчите го правеа истото. Помеѓу 1996 и 2000 година фудбалот стана многу професионален и дојдоа нутриционистите…“
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.