Спорт
Хрватскиот „суперхерој“ се вика Јошко Гвардиол

Хрватска се пласираше во осминафиналето на Светското првенство во Катар по 0:0 ремито со Белгија, за кое можеби е најзаслужен Ромелу Лукаку, кој промаши повеќе сигурни ситуации пред хрватскиот гол, но и фантастичниот дефанзивец, 20-годишниот Јошко Гвардиол, кој покажа зошто Челси сака да го сруши рекордот и да го направи најскап дефанзивец на светот.
Фудбалерот на РБ Лајпциг беше забележан од повеќе фанови на социјалните мрежи, но и од официјалниот Твитер профил на СП, кој го нарече „хрватски суперхерој“ поради перформансите, но и поради маската која ја носи по повредата која ја доби пред стартот на СП.
„Ја остваривме целта, поминавме понатаму. Да, можевме да дадеме и некој гол, имавме шанси, но тие притиснаа во вториот дел. Да бидеме искрени, треба да сме задоволни со бод. Лукаку? Искрено, потешко ми беше да го чувам… Добро, не беше лесно, сите знаеме за каков играч се работи. Мојата игра? Каажав дека во денешниот фудбал сите мора да ја преземат одговорноста и да ја одиграат својата игра“, вели Гвардиол.
This is incredible. Paratici and Levy need to bring Joško Gvardiol to North London. #THFC
— SpursOTM (@SpurOTM) December 1, 2022
🔎 | FOCUS
Joško Gvardiol produced yet another impressive display in Croatia's defence:
👌 76 touches
🔑 1 key pass
👟 59/62 accurate passes
⚔️ 3/4 duels won
🚀 9 clearances
🦵 2 tackles
🚷 0 times dribbled past
📈 7.6 Sofascore rating#CROBEL #Qatar2022 #FIFAWorldCup pic.twitter.com/EbMardLRWD— Sofascore (@SofascoreINT) December 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Демирал го продава дресот на Роналдо за помош на настраданите во земјотресот

Дефанивецот на Аталанта, Мерих Демирал постави на аукција потпишан дрес на Јувентус од неговиот поранешен согирач и добар пријател, Кристијано Роналдо, а средствата ќе одат за помош на настраданите на катастрофалниот земјотрес кој вчера ја погоди Турција.
Во земјотресот, кој е најсилен во последниот век, загинаа над 5.000 луѓе. Демирал преку социјалните потврди дека разговарал со Роналдо за ситуацијата и го постави дресот од својата сопствена колекција.
Роналдо и Демирал станаа блиски пријатели кога играа заедно во Јувентус и ЦР7 му посвети посебен дрес на својот поранешен соиграч. Двајцата оттогаш заминаа од Торино – Демирал во Аталанта, а Роналдо прво во Манчестер јунајтед, па во Ал-Наср.
Az önce @Cristiano ile konuştum.
Türkiye'de yaşananlara çok üzüldüğünü söyledi. Ronaldo'nun koleksiyonumdaki imzalı formasını açık artırma usulüyle satışa çıkarıyoruz.
Açık artırmadan elde edilecek gelirin tamamı deprem bölgesinde kullanılmak üzere @ahbap 'a bağışlanacaktır. pic.twitter.com/OwnU93oShJ
— Merih Demiral (@Merihdemiral) February 7, 2023
Спорт
Анчелоти: Шпанскиот фудбал има голем проблем со расизмот

Тренерот на Реал Мадрид, Карло Анчелоти вели дека е невозможно да се обвинува Винисиус Жуниор за контроверзите при неделниот 1:0 пораз од Мајорка, и дека шпанскиот фудбал мора да се соочи дека има проблем со расиззмот.
Шпанската Ла лига отвори истрага за наводните расистички навреди кон Винисиус од навивач на Мајорка, последен од низата инциденти околу бразилската ѕвезда. Минатиот месец, навивачи на градските ривали Атлетико Мадрид, обесија кукла со дресот на Винисиус на еден мост во Мадрид со порака: „Мадрид го мрази Реал“. Претходно во декември, Вини го обвини претседателот на Ла лига, Хавиер Тебас дека не прави ништо во борбата против расизмот откако беше навредуван од навивачи на Атлетико.
Пред утрешниот меч со египетскиот Ал-Ахли на Светското клупско првенство, Анчелоти застана во одбрана на Винисиус.
„Ќе ве прашам: Каде е проблемот? Винисиус? Соиграчите на Винисиус? Тој треба да се брани? Од што? Навистина не знам. Ви изгледа дека проблемот е во Винисиус, но проблем е тоа што се случува околу него. Точка. Тоа е проблем на шпанскиот фудбал. Јас сум дел од шпанскиот фудбал и мислам дека тоа е проблем кој мора да се реши. Винисиус не е престапникот во овој случај, тој е жртвата“, вели Анчелоти.
„Никогаш нема да имате пари како мене, ќе треба да најдете работа“
Спорт
Голманот на Малатијаспор, Туркаслан загинал во земјотресот во Турција

Голманот на Јени Малатијаспор, Ахмет Ејуп Туркаслан го загубил животот во катастрофалниот земјотрес кој ја погоди земјата во понеделникот, потврдија од неговиот клуб, објаснувајќи дека тој бил во една од зградите кои целосно се срушиле.
„Нашиот голман, Ахмет Ејуп Туркаслан, го загуби животот во земјотресот. Почивај во мир, нема да те заборавиме, прекрасен човеку“, напишаа од клубот на социјалните мрежи.
Туркаслан во својата кариера играше и за Османлиспор и Умранијеспор, а зад себе ја остава собруката Кубра Туркласан, која успеала да се извлече од срушената зграда.
Фудбалот во Турција е откажан на неопределено време.