Спорт
Хуан Кала: Ова е лов на вештерки – Валенсија: Не ти веруваме, лажеш
Хуан Кала, фудбалерот на Кадиз, кого Муктар Дијакаби го обвини за расизам, попладнево одржа прес-конференција. Во неделата, Дијакаби, а потоа и целиот тим на Валенсија, го напуштија теренот во Кадиз, бидејќи Кала на Дијакаби му рекол дека „црне..о гом.о, сега повторно ќе плачеш“.
Кала, на прес-конференцијата, го негира случајот и побара да се престане со „ловот на вештерки“. Тој им упати порака на сите оние кои го навредувале овие два дена да најадат доблест и да му се извинат.
„Не знам дали ова е измислица на Дијакаби, или погрешно ме разбрал, навистина не знам…Сум живеел со Кинези, Јужноафриканци, бев во Гвинеја со Хануте и Беџамин (соиграчи од Севилја), шокиран сум. Играме без публика, на теренот има 20-25 микрофони, камери, се може да се слушне. И никој ништо не слушнал? Ова е циркуз“, рекол Кала.
Рекол дека не е проблем да седне со Дијакаби и да ја расчистат работата, но тоа нема да го направи дејќи неправедно е обвинет.
„Мојот адвокат подготвува информации за судската постапка. Ова е лов на вештерки. Како да сме на Дивиот запад. Не знам што стана со она „невин е додека не се докаже спротивното. Ваков линч не никој не заслужува. Ќе ви го дадам мојот телефонски број, можете да се извините“.
„Ова е опасен преседан. Без доказ.Без судија. Никој не сака да слушне што имам јас да кажам“, рекол Кала.
Тој рекол дека откако Дијакаби заминал во соблекувалната, не отишол да му се извини, бидејќи ризикувал да влезе во метежот и да добие уште еден жолт картон“.
Од друга страна Дијакаби тврди дека во соблекувалната на Валнесија влегувале играчи на Кадиз и го прашувале дали би се вратил на теренот доколку Кала му се извини.
Веднаш по прес-конференција, Валенсија се огласи на Твитер.
„Хуан Кала не ти веруваме“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.