Спорт
„Хуавеи“ го канат Гризман на разговори по „погрешните информации“

Антоан Гризман го раскина договорот со кинеската компанија за телеком опрема „Хуавеи“ по вестите дека тие развивале софтвер за препознавање на ликовите за да се помогне при надгледувањето на етничката заедница на Ујгурите во земјата,
„По силните сомнежи дека ‘Хуавеи’ придонесе за развојот на ‘Ујугур аларм’ со софтвер за препознавање на ликот, објавувам итен прекин на партнерството со компанијата. Ги канам ‘Хуавеи’ не само да ги демантираат овие обвинувања, туку да преземат конкретни активности за да се осуди оваа масовна репресија и нарушување на човечките права“, објави Гризман на Интернет.
„Хуавеи“ излегоа со жалење и со покана до 29-годишниот фудбалер на Барселона за расјаснување на ситуацијата.
„Хуавеи жалат за одлуката на господинот Гризман да ги прекине односите со компанијата. Би сакале да го поканиме лично, да му објасниме каква работа се врши на највисоко ниво компанијата за темите како човечки права, еднаквост и дискриминација. Јазикот кој се користи во тие обвинувања е неприфатлив. Тоа не е јазик во нашата компанија. Нашите технологии не се користат за идентификација на етнички групи. Документот кој се објавува не е од ‘Хуавеи’ и е од пред три години“, велат од компанијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Џерард се враќа на „Ајброкс“?

Стивен Џерард е главен кандидат за нов тренер на Глазгов Ренџерс по отпуштањето на Расел Мартин, тврдат британските медиуми.
Ренџерс вчера донесоа одлука да се разделат со менаџерот Расел Мартин по само 17 натпревари на клупата, во кои клубот оствари само пет победи.
Џерард, кој ги водеше Ренџерс од 2018 до 2021 година, ја освои титулата во Премиер лигата во сезоната 2020/21 за време на неговиот претходен мандат, со што ја прекина долгогодишната доминација на Селтик.
По заминувањето од Глазгов, поранешниот капитен на Ливерпул ги водеше Астон Вила, а потоа и Ал Етифак од Саудиска Арабија. Тој моментално е слободен тренер и, според медиумите, е подготвен да се врати на „Ајброкс“.
Ренџерс моментално се наоѓаат на осмото место во Шкотското првенство, 11 бода зад лидерот Хартс, а по паузата за репрезентативни натпревари клубот ќе биде домаќин на Данди Јунајтед во обид да направи пресврт во сезоната.
Ренџерс вчера одиграа 1:1 против Фалкрик, голот за „Полицајците“ го постигна македонскиот репрезентативец Бојан Миовски.
Спорт
ФИА го казни Хамилтон, Британецот остана без седмото место во Сингапур

Возачот на Ферари, Луис Хамилтон, беше казнет со пет секунди на трката за Големата награда на Сингапур во Формула 1. Седумктатниот првак доби казна бидејќи неколку пати визеше надвор од патеката.
Хамилтон во Сингапур го освои седмото место, но поради казната заврши на осомото, а седми е Фернандо Алонсо.
Во финишот на трката Хамилтон имаше предност од 4 секунди во однос на осмиот Фернандо Алонсо од Астон Мартин, но сопирачките на автомобилот на Ферари откажаа, па тој пресече неколку кривини и ја напушти патеката на патот кон целта.
Седумкратниот светски шампион ја заврши трката на седмото место со четири десетинки предност, но со казната падна на осмото место.
Шампионатот продолжува за две недели, со Големата награда на САД на 19 октомври, во Остин, Тексас.
Спорт
Руни: Салах само гледаше како играчите на Челзи го растураат неговиот дефанзивец, а Салах само гледа

Вејн Руни го критикуваше Мохамед Салах по драматичниот пораз на Ливерпул на гостински терен од Челзи во саботата навечер. Тој е убеден дека како капитен Вирџил ван Дајк би морал да разговара со Египќанецот.
Во пет од седум натпревари од Премиер лигата оваа сезона, Салах не постигна гол, тој е далеку од формата во која беше минатата сезона, а неговата себичност повторно доаѓа до израз во некои ситуации. Тоа е особено впечатливо по трите последователни порази на Ливерпул – два во Премиер лигата и еден во Лигата на шампионите.
И двата порази во Премиер лигата дојдоа во судиското продолжение.
Руни не само што ја критикуваше изведбата на Салах во нападот, туку беше многу критичен и кога стануваше збор за неговата игра во дефанзивата и дека Салах има „проблем со егото“ по доаѓањето на Флоријан Вирц, Александар Исак и Иго Екитике.
„Со доаѓањето на играчи како Исак, Екитике и Вирц, со количината на пари потрошени за нивните трансфери, што мисли Салах сега? Како размислува?
Сите врвни играчи имаат големо его, а Мохамед Салах е еден од најдобрите играчи во Премиер лигата многу долго време.
Мислам дека оваа минатата недела покажа дека кога сè оди добро, кога се постигнуваат голови и се победува, тогаш сè е одлично. Но, што се однесува до оваа последна недела, тука се поставува прашањето за неговата работна етика.
„Знам дека не секогаш се враќа, не секогаш помага во одбраната, но во натпреварот против Челзи дефанзивците „гисечат на парчиња“ од неговата страна, а тој само гледа“, рече Руни.