Спорт
Ибрахимовиќ рамо до рамо со Меси и Роналдо – 300 гола во топ 5 лигите во Европа

Шведскиот фудбалски интернационалец Златан Ибрахимовиќ (40) синоќа во судиското надополнување го спаси својот Милан од пораз кај Удинезе, а со тоа влезе во историја – трет фудбалер кој успеал да дојде до 300 гола во петте најсилни фудбалски лиги во Европа.
Досега ова им успеало само на Кристијано Роналдо и на Лионел Меси. Роналдо има 483 гола, а Меси 475 гола во „Лига петка“.
Ибрахимовиќ во својата кариера преку Малме и Ајакс, во најсилните пет лиги играше и даваше голови за Интер, Милан и Јувентус (Серија А), ПСЖ (Франција), Барселона (Шпанија). Постигна 23 гола за Јувентус, 57 за Интер, 16 за Барса, 113 за ПСЖ, 17 за Манчестер Јунајтед и 74 за Милан.
Сезонава Ибра игра во одлична форма – на 9 натпревари постигна 6 гола.
300 – Zlatan #Ibrahimovic has become the third player able of scoring 300 goals in the big-5 European leagues since 1/1/2000, after Cristiano Ronaldo (483) and Lionel Messi (475). Infinity.#UdineseMilan #SerieA pic.twitter.com/dpo6qQLmkD
— OptaPaolo ? (@OptaPaolo) December 11, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Модриќ ги подели навивачите на Милан, некои велат дека е дедо, други велат дека е Г.О.А.Т.

Капетанот на хрватската репрезентација Лука Модриќ (39) е нов играч на Милан. Тој се приклучи на италијанскиот гигант по Светското клупско првенство, каде последен пат играше за Реал Мадрид, клуб во кој е од 2012 година, каде што стана капитен и легенда и нивниот најтрофеен играч на сите времиња (28 трофеи).
Милан ќе биде шестиот професионален клуб во богатата кариера на Лука Модриќ.
Модриќ потпиша договор со Милан до летото 2026 година, со можност за продолжување за уште една сезона. Тој ќе го носи дресот со број 14. Милан ја потврди веста за доаѓањето на Модриќ на навивачите преку веб-страницата на клубот и социјалните медиуми. Мислењата на навивачите за доаѓањето на Модриќ се поделени.
„Дајте му го бројот 10. Класата го заслужува тоа“
Тие се надеваат на добра сезона откако минатата сезона завршија осми во Серија А и го пропуштија европскиот натпревар. Некои не се сигурни дали Модриќ, кој ќе го прослави својот 40-ти роденден во септември, може да ги сврти работите, додека други го фалат потегот на клубот.
Некои го поздравуваат доаѓањето на Модриќ, пишуваат за неговата класа и го нарекуваат најголем на сите времиња. Тие додаваат дека легендата на Реал Мадрид изгледа одлично во боите на Милан и пишуваат: „Милан не потпиша играч, туку наследство“, „Колку се луди навивачите на Интер сега за ова?“, „Конечно е тука“, „Дајте му го бројот 10. Класата го заслужува“, „Едвај чекам да го видам“.
Под објавата на Милан на X, коментираа и некои навивачи на Реал Мадрид, пишувајќи дека ги боли да го видат во дресот на друг клуб и барајќи од Милан да се грижи за нивната легенда, но има и такви кои не мислат дека направиле добар потег на Сан Сиро.
„Му посакувам на Лука и на клубот се најдобро, но не ја разбирам причината за неговото доведување. Нема да игра ниту 90 минути“, „Овој клуб ги продава најдобрите таленти како Донарума и Тонали и создава возбуда со доведувањето на истрошениот 40-годишен Модриќ. Италијанскиот фудбал е завршен“, „Преценети“, „Ако мислите дека 40-годишник, дури и да е шампион, може да ги реши проблемите на вашиот тим, тогаш сте поглупави отколку што мислев“, „Дедо“, се некои од коментарите на профилот на Милан на X.
Спорт
Прва фотографија на Модриќ со дресот на Милан

Капетанот на хрватската фудбалска репрезентација, Лука Модриќ (39), е нов играч на Милан.
Модриќ се приклучи на италијанскиот клуб по Светското клупско првенство, каде што последен пат играше за Реал Мадрид.
Милан ќе биде шестиот професионален клуб во богатата кариера на Лука Модриќ. Откако помина низ младинската школа на Динамо, во 2003 година беше испратен на позајмица во мостарскиот Зрињски, каде што помина една сезона. Следната сезона ја започна во Динамо, па беше испратен на позајмица во Интер Запрешиќ. Играше за Динамо во следните три сезони, а потоа во 2008 година замина во Тотенхем, каде што остана четири сезони пред да се пресели во Реал Мадрид. Помина 13 сезони во Реал.
La Scala del Calcio has a new maestro 🎻 #WelcomeModrić
— AC Milan (@acmilan) July 14, 2025
Спорт
Саудијците му понудија милиони на отпишаниот играч на Јунајтед, тој ги одби

Крилниот напаѓач на Манчестер Јунајтед, Алехандро Гарначо (21), ја одби понудата од саудискиот клуб Ал Наср, за кој играат Кристијано Роналдо и Марсело Брозовиќ, објавија британските медиуми.
Тренерот на „Црвените ѓаволи“, Рубен Аморим, не смета на Аргентинецот, и покрај тоа што минатата сезона постигна 11 голови и оствари 10 асистенции. Гарначо преферира да остане во Европа, а засега најголем интерес за него покажал италијанскиот шампион Наполи, кој се обиде да го доведе уште во зимскиот преоден рок.
Тогаш Наполи понудил 45 милиони евра обештетување, но Јунајтед ја одбил понудата. Италијанскиот клуб и понатаму сака да го види во своите редови, но останува нејасно дали е подготвен да плати 57 милиони евра, колку што бара Јунајтед. Гарначо замина од Атлетико Мадрид во академијата на Манчестер Јунајтед на 16-годишна возраст, а во првиот тим на „Црвените ѓаволи“ влезе во летото 2022. Неговиот актуелен договор со Јунајтед истекува за три години.