Спорт
Интер има само уште една надеж за „скудетото“: Берарди е голем фан на „нероаѕурите“
Разврската во Серија А остана за последното коло. Актуелниот шампион Интер се надева дека лидерот Милан ќе загуби против Сасуоло, па со триумф на домашен терен против Сампдорија да го одбрани трофејот. Но, дали Сасуоло навистина може да го запре Милан кој нанижа неколку важни победи во завршницата од сезоната е големо прашање.
Медиумите во Италија веруваат дека „нероаѕурите“ сега можат да се потпрат само на еден човек. Тоа е Доменико Берарди, италијанскиот репрезентативец и одличен напаѓач кој поради добрите игри во дресот на Сасуоло се поврзуваше со трансфер во Интер или во Милан.
Тој го „смени“ Масимилијано Алегри од клупата на Милан во 2014 година, кога постигна четири гола во победата од 4-3, а во 2015 година постигна гол во победата на Сасуоло од 3-2 над Милан.
На 15 натпревари против „росонерите“, Берарди постигна 10 гола, што значи дека Милан е тимот против кој постигнал најмногу голови во Серија А. Никогаш не криел дека е голем навивач на Интер.
„Како дете уживав во игрите на „феноменот“ Роналдо, а на 15 години мој идол беше Диего Милито. Таа вечер во Мадрид кога Интер го победи Баерн Минхен и ја освои Лигата на шампионите, излегов со пријателите да славиме“, изјави Берарди пред неколку години.
Интер и Милан ги играат своите натпревари в недела од 18 часот. На Милан му е доволен и бод на гостувањето кај Сасуоло за да ја освои шампионската титула по 11 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
На Аргентина ѝ се заканува исфрлање од Светското првенство
Аргентинската судска власт интензивно истражува можни финансиски неправилности во Аргентинската фудбалска асоцијација (АФА), со фокус на претседателот Клаудио Тапија и неговиот близок соработник, благајникот Пабло Товигињо.
Во текот на декември 2025 година, беа извршени бројни претреси во седиштето на АФА, канцелариите на Лигата и над 17 клубови.
Паралелно, судијата Даниел Рафекас, нареди претрес на луксузна вила во Пилар (над 10 хектари), формално во сопственост на компанијата „Реал Централ СРЛ“.
Таму беа конфискувани околу 45 луксузни автомобили (Порше, Ферари), мотоцикли и други вредни предмети.
Истрагата ја вклучува и финансиската компанија „Сур Финанзас“, обвинета за сомнителни кредити на клубови и можно перење пари.
ФИФА внимателно го следи целиот случај и доколку конечно се докаже дека Тапија навистина нелегално стекнал богатство, не е исклучено Аргентина да биде исклучена и од Светското првенство, а Финалисима, натпревар организиран од ФИФА во кој се среќаваат шампионите на Европа и Јужна Америка, да биде откажан.
Спорт
(Видео) Рафиња ја реши Осасуна
Барселона му избега на Реал со седум бода, барем до крајот на ова коло, по победата против Осасуна – 2:0.
Барселона доминираше против Осасуна, особено во првото полувреме од натпреварот на реновираниот стадион „Камп Ноу“. Но, на полувреме Каталонците немаа предност.
Во второто полувреме, домашните исто така беа подобар ривал, и конечно ја крунисаа иницијативата со водство по одлична акција и прецизен шут на капитенот Рафиња, кој во 70-та минута погоди од 17 метри.
Конечните 2-0 беа поставени во 86-та минута , кога Рафиња повторно постигна гол, кој конечно го скрши отпорот на борбената Осасуна на овој натпревар.
Foto/ depositphotos
Спорт
(Видео) Салах асистент во триумфот над Брајтон, Челзи славеше против Евертон
Ливерпул и Челзи забележаа идентични победи, 2:0, во дуелите со Брајтон и Евертон, во 16-ѕо коло во Премиер литага.
Екипата на Арне Слот ја забележа втората победа по ред во сите натпреварувања, откако го победи Итнер во Лигата на шампионите, по серијтаа лоши резултати.
Мохамед Салах играше на овој натпревар и запиша една асистенција, а влезе во игра од клупата во 26-та минута кога мораше да го замени повредениот Џо Гомез. Напаѓачот беше пречекан со силен аплауз од трибините на „Енфилд“.
Ливерпул поведе во првата минута, кога Уго Екитике постигна гол за 1:0. Тоа беше резултатот на првото полувреме.
Истиот играч во 60-та минута беше стрелец за 2:0, а асистент беше Салах.
За споредба, Салах неодамна не играше во Лидс, како и на претходниот натпревар против Вест Хем, додека на натпреварот против Сандерленд одигра само 45 минути.
Сето ова доведе до отворено незадоволство и најава за можно заминување од „Енфилд“, што следеше веднаш по судирот на „Еланд Роуд“. Во својата изјава по тој натпревар, Салах отворено го критикуваше клубот и тренерот, на што тие не молчеа.
Клубот застана на страната на Арне Слот, а Салах беше отстранет од тимот што отпатува во Милано за натпреварот од Лигата на шампионите против Интер во кој славеа без крилен играч.
Во истиот термин, Челзи го победи Евертон со 2:0, со головите на Кол Палмер во 21-та минута и Мало Густ во првата минута од судиското продолжение во првото полувреме.
Foto/ depositphotos

