Спорт
Интер ја зголеми мизеријата на градскиот ривал
Интер стигна до минимална, но апсолутно заслужена 1:0 победа над Милан во ново издание на „Дерби дела мадонина“, во кое се покажа дека „нераѕурите“ остануваат најсериозен ривал на лидерот Наполи, додека за кризата во „црвено-црниот“ дел од Милано засега нема решение.
„Крвник“ на Милан повторно беше Лаутаро Мартинез, кој во 34. минута по корнерот на поранешниот играч на Милан, Хакан Чалханоглу го отвори резултатот. Ова беше дури седми гол кој Мартинез го постигнал на градските ривали, со што стана вториот најдобар стрелец за Интер во „Дерби дела мадонина“ по Стефано Најерс, кој има постигнато 11 гола.
Иако овој резултат остана до крајот, тимот на Симоне Инзаги беше апсолутно доминантен во мечот со Милан, доминирајќи со над 60 отсто посед на топката и со 16 обиди кон голот на Татарушану. Лаутаро уште еднаш ја затресе мрежата на Милан во 90. минута, но овојпат голот беше поништен поради офсајд.
Интер остануваат втори на табелата со 43 поени, дури 13 зад Наполи, додека Милан, за кои ова е трет пораз во низа во Серија А, по понижувачките 2:5 од Сасуоло и 0:4 од Лацио, се шести со 38 поени.
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-33-42415”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
По три години во пензија, Пике се враќа во професионалниот фудбал
На самиот крај на 2025 година, од Шпанија пристигнува сензационална вест, Џерар Пике реши да се врати во професионалниот фудбал, иако неговата кариера заврши на крајот од 2022 година.
Пике нема да игра во Кралската лига на фудбал 7 на 7, која самиот ја основа, туку се враќа во натпреварувачки ритам, во втората дивизија на Шпанија (Сегунда).
Поранешниот столб на одбраната на Барселона и шпанската репрезентација, потпиша за ФК Андора, клубот што го поседува од 2018 година, кога од петтата дивизија го презеде преку компанијата Космос.
Според каталонските медиуми, Пике би можел да дебитира на 4 јануари 2026 година, на гостувањето против АД Сеута во 20-то коло од второлигашкото натпреварување.
Поранешниот шпански репрезентативец одигра 102 натпревари и постигна пет гола во дресот на „црвената фурија“, а воедно остави неизбришлива трага во Барселона.
За време на збогувањето со фудбалот на „Камп Ноу“ во ноември 2022 година, тој им порача на навивачите дека еден ден ќе се врати, нагласувајќи дека никогаш нема да ја напушти Барселона.
Покрај враќањето на теренот, Пике продолжува да привлекува внимание со своите ставови за модерниот фудбал. Неодамна, во подкастот на Икер Касиљас, тој повторно зборуваше за потребата од промени, сугерирајќи дека натпреварите што завршуваат со резултат 0:0 не носат бодови за ниту еден тим, бидејќи, како што истакнува, фудбалот мора да остане пред сè – забава.
Враќањето на еден од најголемите дефанзивци на Барселона во овој век сигурно ќе го означи почетокот на 2026 година и ќе привлече големо внимание од јавноста и фудбалските фанови низ цела Шпанија.
Foto/ depositphotos
Спорт
Реал без најдобриот ќе влезе во 2026 година
Реал Мадрид во новата 2026 година ќе влезе без својот најдобар играч и стрелец, Килијан Мбапе.
Како што потврдија бројни извори, Мбапе претрпел повреда на лигаментите на коленото, повредата не е сериозна, но тој ќе мора да отсуствува три недели.
Ова значи дека Французинот ќе пропушти најмалку четири натпревари, гостувањето на Бетис на „Сантијаго Бернабеу“, а потоа и турнирот во Суперкупот на Шпанија, полуфиналето со Атлетико Мадрид на 8 јануари, како и потенцијалното финале со Барселона или Атлетик Билбао.
По враќањето од Саудиска Арабија, Реал Мадрид го пречекува Леванте на 17 јануари, а потоа Монако на 20-ти во Лигата на шампионите.
Во најдобар случај, Мбапе ќе биде подготвен за незгодното гостување кај Виљареал на 25 јануари.
Мбапе е најдобриот играч и стрелец на Реал Мадрид, па неговото отсуство ќе биде голем удар за тимот на Чаби Алонсо.
Тој одигра 24 натпревари оваа сезона, постигна 29 гола и додаде пет асистенции.
Во негово отсуство, нападот ќе го предводат бразилскиот тандем Винисиус Жуниор – Родриго, како и младиот Гонзало Гарсија.
Foto/ depositphotos
Спорт
Кансело може да бира, Барселона или Интер
Жоао Кансело, поради лошиот однос што го има со тренерот Симоне Инзаги, донесе одлука да се врати во Европа.
Португалецот, нема долго да биде без клуб, прашање е само што ќе избере. За неговите услуги сериозно се заинтересирани Барселона и Интер.
Каталонците сакаат да имаат алтернатива за Жил Кунде, кој има голем број натпревари во своите нозе, но проблемот е финансискиот фер-плеј.
Затоа, ќе мора да бидат трпеливи за да видат како можат да го решат и да го доведат Кансело.
Ситуацијата внимателно ја следи Интер, кој бара замена за Дензел Дамфрис, бидејќи Холанѓанецот е повреден и нема да биде во тимот неколку месеци. Кристијан Киву инсистира на замена и дал зелено светло, клубот да тргне по Кансело.
Да ве потсетиме дека Португалецот дојде во Ал Хилал, пред 18 месеци од Манчестер Сити за 25.000.000 евра.
Foto/ freerangestock
(Видео) Ѓорѓиевски: Ви давам збор, 2026 ќе биде многу подобра година
Градоначалникот на Град Скопје, Орце Ѓорѓиевски им посака успешна нова година и среќни празници на жителите на Скопје. Тој даде...
(Видео) Путин во новогодишната порака: Уверен сум во победата на Голема Русија
Рускиот претседател Владимир Путин изрази уверување во победата врз Украина, во својата новогодишна порака, речиси четири години по почетокот на...
(Фото) Министерот Алиу во посета на Клиниката за детски болести: им посака на сите деца поскоро оздравување
Министерот за здравство Азир Алиу, заедно со заменик министерот Јовица Андовски и претседателот на Собранието, Африм Гаши, денеска ја посетија...
„Сите гледаат ски скокови за да видат кој ќе победи, само СДС следат дали ќе ги видат Заев и Филипче во публика во Гармиш-Партенкирхен“, велат од ВМРО-ДПМНЕ
„Чудно како СДС избегнаа да го спомнат Гармиш-Партенкирхен и заборавија да одговорат дали во моментов Венко Филипче таму изиграва елита...
Каролина Гочева: Збогум на една година која многу повеќе ни зеде отколку што ни даде
„Збогум на една година која многу повеќе ни зеде отколку што ни даде“, напиша македонската пејачка Каролина Гочева, на социјалните...
Николоски: После повеќе од 60 години Охридскиот аеродром е легализиран
Вицепремиерот и министер за транспорт Александар Николоски на својот фејсбук профил објави дека аеродрoмот Св. Апостол Павле во Охрид конечно...
Осум месеци затвор за поранешниот директор на затворот во Шутка, Филип Андов-Сокол, условни казни за обвинетите полицајци
Од Основниот кривичен суд Скопје соопштија дека поранешниот директор на затворот „Скопје“ и актуелен член на Извршниот одбор на опозицискиот...
Сиљановска-Давкова: Трагедијата во Кочани како сенка ќе нè следи цел живот, да не ги заборавиме нивните најблиски, повредените, а најмногу, правдата
Годинава што си оди ќе ја помниме по драматичните промени на меѓународниот поредок, незамисливите војни со огромни човечки жртви, забрзаната...
(Видео) Мицкоски: 2026 година ќе биде година на преобразба, државата има потреба од одговорност
Годината што ја испраќаме не беше лесна, таа беше година на сериозни предизвици. Година во која државата мораше прво да...
Бесплатен паркинг во Центар за новогодишните и божиќните празници
Паркирањето во Општина Центар за време на новогодишните и божиќните празници ќе биде без наплата за сите граѓани, информираат од...
Трагедијата во дискотеката „Пулс“ во Кочани со 63 загинати и над 200 повредени е настан што ја одбележа 2025 година
2025 година ќе остане запаметена по тешката трагедија што се случи на 16 март во дискотеката „Пулс“ во Кочани, која...
СДСМ тврди: Има координирана операција за уривање на партијата од внатре
Криминалната власт ја започна последната фаза од кампањата – репресија врз СДСМ и политички прогон, велат од опозициската партија. „По...
Најстудено на Шапка, утрово измерени -14 степени
Утрово најстудено е на Попова Шапка каде се измерени -14 степени, -12 во Mаврови Анови, -10 Крива Паланка, Берово, Kрушево,...
Нова студија: Давањето мобилни телефони на деца пред 13-годишна возраст може да биде особено опасно
Новите научни студии објавени во 2025 година даваат сè појасна слика за ризиците од раниот пристап до паметни телефони и...
САД се сомневаат во руската приказна за нападот врз резиденцијата на Путин: „Се чини несоодветно“
Амбасадорот на САД во НАТО, Метју Витакер, денес изрази сомнеж врз руските тврдења дека Украина ја нападнала резиденцијата на претседателот...
Франција купува авиони за рано предупредување од Сааб за 1,14 милијарди евра
Франција потпиша договор со шведската одбранбена компанија Сааб за купување на два авиони за рано предупредување во вредност од околу...
Германија ја прекина истрагата против тајкуните на Путин во замена за 10 милиони евра
Германските обвинители објавија дека ќе ја прекинат истрагата против рускиот олигарх Алишер Усманов, близок сојузник на рускиот претседател Владимир Путин,...
ЕБОР одобри над 20 милиони евра кредит за модернизација на железничкиот товарен возен парк во Македонија
ЕБОР одобри 20,9 милиони евра кредит на Северна Македонија за набавка на нови електрични локомотиви и современ систем за планирање...
ДПИ со засилени контроли: издадени се 96 прекршочни платни налози во износ од 2,8 милиони денари
Државниот пазарен инспекторат во текот на месец декември спроведе засилени инспекциски надзори кај угостителските објекти на територија на цела држава...
Петарда експлодира во раката на осумгодишно дете од Врапчиште, заврши на Клиника
Осумгодишно дете од селото Врапчиште, гостиварско, се здобило со сериозни повреди на раката кога му експлодирала петарда. Настанот бил пријавен...
