Најпопуларните шпански медиуми го критикуваат Ламин Јамал по поразот на Барселона од Пари Сен Жермен (1:2) во второто коло од Лигата на шампионите.

Иако има само 18 години тоје е еден од најдобрите играчи на Барселона. Медиумите во овој случај немаа милост кон неговата младост, во коментарите беа исклучително остри.

Радио „Марка“ оцени дека Јамал „сè уште не треба да се смета себеси за ѕвезда“.

„АС“, вели дека „младата ѕвезда“ сè уште „има многу да подобри“ во својата игра и покрај неговиот неоспорен талент.

„По одличното прво полувреме во кое делеше додавања и асистенции како да нема утре, тој исчезна во вториот дел од натпреварот, играше несмасно и без идеи. Јасно е дека мора многу да се подобри ако сака да ја освои Златната топка следната година“.

„Мундо Депортиво“, инаку каталонски медиуми, беше малку поблаг, но конкретно го истакна фактот дека Јамал мора да најде начин да игра на исто ниво во текот на целиот натпревар.

Јамал постигна два гола и запиша четири асистенции во пет натпревари оваа сезона.

Foto/ EPA

Фудбалската репрезентација на Македонија влегува во завршната фаза од квалификациите за Светското првенство 2026 што ќе се одржи во САД, Канада и Мексико.

Во октомври не очекуваат два клучни натпревари, најпрво гостувањето кај Белгија во Гент, а потоа и дуелот со Казахстан во Скопје, во пресрет на ноемвриската завршница на циклусот за пласман на Мундијалот.

Селекторот Благоја Милевски го објави списокот без поголеми изненадувања.

Од комбинација отпаднаа повредениот Лирим Ќамили и Димитар Митровски, а повратник е Давид Бабунски од редовите на Вардар.

Во составот на Македонија се следните 26 фудбалери:

Голмани: Столе Димитриевски (Валенсија, Шпанија), Дејан Илиев (УТА Арад, Романија), Дамјан Шишковски (Борац Бања Лука, БиХ), Игор Алексовски (Фљамуртари, Албанија);

Одбрана: Висар Муслиу (Сент Тројден, Белгија), Никола Серафимов (Левски Софија, Бугарија), Езѓан Алиоски (Лугано, Швајцарија), Ѓоко Зајков (Ајман, ОАЕ), Андреј Стојчевски (Словачко, Чешка), Дарко Велковски (Зрињски, БиХ), Стефан Деспотовски (ОФК Београд, Србија), Бојан Илиевски (Струга Трим Лум), Стефан Ашковски (Раднички Ниш, Србија);

Среден ред: Енис Барди (Коњаспор, Турција), Јани Атанасов (Лариса, Грција), Елиф Елмас (Наполи, Италија), Исник Алими (Далиан Јингбо, Кина), Лука Станковски (Раднички Крагуевац, Србија), Тихомир Костадинов (Сигма Оломуц, Чешка), Решат Рамадани (Шкендија);

Напад: Бојан Миовски (Глазгов Ренџерс, Шкотска), Милан Ристовски (Бохемианс 1905, Чешка), Дарко Чурлинов (Кочаелиспор, Турција), Александар Трајковски, Давид Бабунски (Вардар), Елмин Растодер (Тун, Швајцарија);

Собирот на репрезентацијата е закажан за 6 октомври. Македонија најпрво ќе игра против Белгија на 10 октомври во Гент, а на 13 октомври во Скопје ќе го пречека Казахстан.

Во моментов, нашата селекција е прва на табелата со 11 бода, еден повеќе од Белгија и Велс.

Извор/ Фудбалска федерација на Македонија

Дури и 25 години по трансферот, навивачите на Барселона не му простија на Луис Фиго што се пресели во Реал Мадрид.

Португалецот го почувствува тоа на своја кожа кога се појави меѓу навивачите на каталонскиот клуб, вчера на „Монжуик“.

Фиго го гледаше поразот на Барселона од ПСЖ во Лигата на шампионите во живо од ВИП ложата.

Парижаните покажаа зошто се шампиони на Европа, бидејќи направија пресврт и ја победија Барса и покрај фактот дека играа без своите тројца главни напаѓачи и капитенот Маркињос.

Кога навивачите разбраа дека Фиго е тука следуваш серија жестоки свиркања, а потоа целиот стадион му отпеа навредлива песна.

„Тој Португалец, ку..ин син“, беше пораката што одекнуваше од трибините на „Монжуик“.

Barcelona fans chanting "ese portugués, hijo puta es" at Luís Figo when they saw him in the UEFA box tonight.

25 years later and the feelings are still vicious.

The most infamous transfer of all time?pic.twitter.com/xhAQjh9W9a

— Sean Gillen (@SeanGillen9) October 1, 2025

Новинарката Лаја Сервело Хереро од местото на настанот изјави дека навредите биле „заглушувачки“ и дека се повторувале на секои пет минути.

Иако Фиго беше клучна фигура за Барселона во текот на петте години во кои имаше 249 настапи, тој ги шокора со преселбата во Реал Мадрид во јули 2000 година.

Тој трансфер се смета за најголемо предавство во историјата на фудбалот.

Во својот прв натпревар на „Камп Ноу“ како играч на Реал Мадрид во ноември 2002 година, тој доби сличен прием од домашните навивачи, при што еден навивач фрли свинска глава кон него.

🏟️ Así fue el recibimiento del Camp Nou a Luis Figo luego de su polémico fichaje por el Real Madrid.pic.twitter.com/e4h0kXirDy

— La Vieja Guardia (@ViejaGuardiaEA) January 3, 2024