Спорт
Инзаги ги разрешил дилемите за тимот на Интер што ќе игра против Сити
Интер и Манчестер Сити утревечер ќе играат во финалето на Лигата на шампионите во Истанбул. Англискиот шампион е голем фаворит, но италијанскиот тим се надева дека може да стигне до трофејот.
Тренерот Симоне Инзаги сигурно има план како да се му се спротистави на ѕвездениот тим на Пеп Гвардиола, а „Скај Спорт“ ги откри неговите намери.
Инзаги по последниот тренинг донел одлука за стартните единаесетмина. И покрај несогласувањата со Босанецот, Един Џеко ќе добие предност од првата минута пред Ромелу Лукаку. Белгиецот ќе чека шанса од клупата и најверојатно ќе влезе во второто полувреме.
Во средниот ред улога на стартер ќе добие и Марсело Брозовиќ пред Хенрик Мхитарјан, а со него ќе играат Николо Барела и Хакан Чалханоглу. Мхитарјан беше стартер на сите натпревари во нокаут фазата, но само што се опорави од повреда и сега останува на клупата.
Веројатен состав на Интер: Онана, Дармијан, Ачерби, Бастони, Дамфрис, Барела, Брозовиќ, Чалханоглу, Димарко, Мартинез, Џеко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.