Спорт
Иранка настапи без хиџаб, а ден потоа и се губи трагата
Иранската натпреварувачка во качување, Леназ Рекаби, настапи на Азиското првенство во Јужна Кореја во неделата, а нејзиниот настап предизвика контроверзии бидејќи се појави без хиџаб и ја откри косата во опавче во знак на протест против строгите закони во Иран. Ден потоа и се губи трагата, јавува „Би-Би-Си“.
Рекаби во понеделникот се сретна со ирански функционер, а пријателите и семејството велат дека после тоа изгубиле контакт со неа. Иранската амбасада во Јужна Кореја објави дека Рекаби се вратила во Техеран во вторникот и „остро ги демантираше лажните вести и дезинформациите“.
Од друга страна, дописникот на „Би-Би-Си“ од Блискиот Исток тврди дека постои страв дека Рекаби ќе биде одведена во затвор веднаш по слетувањето во Иран.
Пред две години, иранската шаховска судијка Шорех Бајат беше снимена на натпревар во Кина без хиџаб, па иако се оправдуваше дека носи шамија над главата која можеби и се лизнала, таа не се вратила во Иран, туку побарала азил во Велика Британија од страв дека по враќањето дома ќе заврши во затвор.
Жените во Иран мора да носат хиџаб на главата, а рацете и нозете мора да им бидат покриени со широка облека. Рекаби претходно се натпреваруваше во таква пропишана облека, но ова беше нејзино прво натпреварување откако младите Иранки почнаа јавно да протестираат против строгите закони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хрватска го дозна противникот во полуфиналето од квалификациите за ОИ
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.