Спорт
Истекува 12-годишната суспензија на Франческо Флаки, ќе се врати на терен со 46 години

На почетокот на 2007 година италијаскиот фудбалер Франческо Флаки беше на добар пат да стане легенда на калчолигашот Сампдорија од Џенова. Беше капитен, постигна повеќе од 100 голови, а првпат доби повик и за италијанскиот репрезентативен дрес.
Сепак пресвртот следуваше на 28 јануари истата таа 2007 година кога по меч против Милан на тестирањето Флаки бил позитивен на кокаин. Веднаш бил суспендиран на 2 години.
„Во тој момент се загубив. Бев идол на луѓето во Џенова, ја почнав годината со 2 погодока, а бев повикан и во националниот тим“ се присетува Флаки во разговор за „ББС“.
Една година претходно, на основа на прислушкувани разговори е обвинет дека се обидел да намести натпревар. Тогаш бил суспендиран на 2 месеци.
„Со тоа немав врска, таа казна никогаш не ја прифатив“ вели тој.
Во тие моменти Флаки беше третиот најдобар стрелец во историјата на Сампдорија. Пред него беа само Роберто Манчини и Џанлука Виали. Тој постигна 110 гола за клубот од Џенова.
По двегодишната пауза се врати на терен. Играше во Бреша и во Емполи, но во декември 2009 година повторно беше позитивен на кокаин. Следуваше суспензија од 12 години.
Суспенијата му истекува во јануари следната година, а сега веќе 46-годишниот Флаки има намера да се врати на терен, како член на петтолигашот Сигна.
„Возбуден сум, се приближува датумот кога пак ќе истрчам на теренот. Се започна како шега, но станавме сериозни. Тренирам сега и чувството е како на времето, кога бев професионален играч“ вели Флаки.
Признава дека погрешил.
„Знам дека направив грешка и дека поради тоа сум казнет. Знам дека и не сум така брз како некогаш, но ќе го одработам својот дел и ќе се обидам да им помогнам на момците“ вели тој.
Беше член на Самп од 1999 година, а пред тоа играше и за Фиорентина, Бари и Анкона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реал ја победи Борусија Дортмунд

Списокот на учесници во полуфиналето на Светското клупско првенство е комплетиран. Во последниот натпревар од четвртфиналето на стадионот „Мет Лајф“ во Њу Џерси, Реал Мадрид ја победи Борусија Дортмунд со 3:2.
Чаби Алонсо за нешто помалку од еден месец колку што е тренер на Реал, на големата сцена го промовираше Гонзало Гарсија.
Момчето од клупската академија го постигна четвртиот гол на првенството, моментално е израмнет на првото место на листата на стрелци и е сериозен кандидат да биде главен хит на ова прво клупско Светско првенство.
21-годишниот централен напаѓач му донесе водство на Реал во 10-та минута по асистенцијата од Арда Гулер. Неговиот имењак Фран го зголеми резултатот на 2:0 десет минути подцна.
Реал ја држеше предноста до финишот, а потоа во судиското надополнување беа постигнаи уште три гола.
Максимилијан Баер намали на 2:1 во 92-та, а една минути подцна Килијан Мбапе му ја врати на Реал предноста од два гола. Хујсен во 95-та минута доби црвен картон, а Гираси од пенал во 98-та минута го постави конечниот резултат.
На крајот, може да се каже дека херој е Тибо Куртоа, кој во десеттата минута од судиското продолжение го одбрани ударот на Марцел Сабицер, со кој Реал обезбеди пласман во полуфиналето на Светското клупско првенство.
Во полуфиналето, Реал ќе игра против актуелниот европски шампион, Пари Сен Жермен. Флуминенсе и Челзи се среќаваат во второто полуфинале.
Спорт
Томас Милер го одигра својот последен натпревар за Баерн

Легендата на Баерн и германскиот фудбал, Томас Милер, го одигра својот последен натпревар во дресот на Баварците. Фудбалерите на Пари Сен Жермен го победија тимот на Баерн со 2:0 и се пласираа во полуфиналето на Светското клупско првенство во САД.
Томас Милер играше за германскиот тим во финишот од натпреварот. 35-годишниот фудбалер влезе на теренот во 80-та минута наместо Кингсли Коман и тоа беше неговиот последен натпревар во дресот на Баерн.
Германскиот ветеран не доби нов договор и во април го објави своето заминување од Минхен на крајот од сезоната.
Томас Милер е дете на Баерн, целата своја кариера ја помина со Баварците. Дебитираше за првиот тим во 2007 година и одигра вкупно 756 натпревари, постигна 250 голови и запиша 276 асистенции.
Тој е еден од најтрофејните фудбалери во историјата. Во дресот на Баерн, освои точно 33 трофеи.
„Danke für alles, Томас!“, објави Баерн на социјалните мрежи со емотикон од срце.
Спорт
Игор Жесус го засили Нотингем Форест

Бразилскиот репрезентативец Игор Жезус се пресели од Ботафого во Нотингем Форест.
„Шумарите“ објавија дека потпишала четиригодишен договор со 24-годишниот фудбалер, до летото 2029 година.
Клубовите не ја објавија сумата на трансферот, но медиумите известуваат дека станува збор за околу 10 милиони фунти (околу 12 милиони евра).
Жезус ја започна својата професионална кариера во бразилскиот клуб Коритиба, потоа играше за Шабаб Ал Ахли од Обединетите Арапски Емирати пред да се приклучи на Ботафого во 2024 година.
Напаѓачот одигра 59 натпревари за клубот од Рио де Жанеиро во сите натпреварувања и постигна 17 гола.
Тој особено се истакна на Светското клупско првенство, помагајќи му на Ботафого да се квалификува во нокаут фазата, постигна два гола, вклучувајќи го и победничкиот гол против европскиот шампион Пари Сен Жермен.
Foto/ EPA-EFE/JOHN G. MABANGLO