Спорт
Историска победа на Братен – од 29. место по прво возење до триумф на слаломот во Венген!

Норвежанецот Лукас Братен забележа неверојатна прва победа во слалом од Светскиот куп, откако на легендарната патека во Венген во неделата успеа да триумфира иако беше само 29. по првото возење.
21-годишниот Братен, кој првата победа во кариерата ја оствари на првата трка од сезоната, велеслаломот во Зелден, беше само 29. по првото возење, повеќе од 2 секунди зад лидерот, неговиот сонародник Хенрик Кристоферсен.
Меѓутоа, тој имаше апсолутно шокантно второ возење од 48.17, речиси една секунда подобро од ривалите, и со комбинирано време од 1:41.48 ги победи Швајцарецот Даниел Јуле (0.22 секунди заостанување) и Италијанецот Џулијано Рацоли (0.29 секунди послабо време).
Ова е најголем „скок“ во историјата во машкиот слалом, односно подобрување на рекордот на Швајцарецот Марк Берто, кој во Аделбоден во 2007 победи откако беше 27. по првото возење.
Кристоферсен беше најдобар на првото возење со 51.27, пред Мануел Фелер и светскиот шампион Себастијан Фос-Солеваг, но нивната предност се „истопи“ во второто возење – Фелер беше петти, Фос-Солеваг шести, додека Кристоферсен направи грешка и излета во финишот.
Braathen is 𝘃𝗶𝗰𝘁𝗼𝗿𝗶𝗼𝘂𝘀! 🇳🇴
Lucas Braathen claims his 1⃣st World Cup slalom victory.#fisalpine pic.twitter.com/JhLX1Br61z
— Eurosport UK (@Eurosport_UK) January 16, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Наполи покажува интерес за Пјаниќ

Миралем Пјаниќ, по завршувањето на сезоната ќе го напушти Бешикташ, ќе се врати на „Ноу Камп“, а потоа повторно ќе оди на позајмица, бидејќи тренерот Чави нема намера да го користи во својот тим. Репрезентативецот на БиХ уште две години е под договор со Барса.
Пјаниќ би можел да се врати во Серија А, бидејќи сериозен интерес за него покажува Наполи, пренесуваат дел од шпанските медиуми.
Пјаниќ оваа сезона одигра 26 натпревари, вкупно 1.867 минути за Бешикташ. Успеа да запише само четири асистенции. Не се наметна како лидер ниту пак успеа да го одигра квалитетот на фудбалот што го играше пред неколку години.
Пјаниќ својот најдобар фудбал во кариерата го одигра во Италија, во Рома, а потоа и во Јувентус.
Спорт
Полноќна тепачка во Севилја

Шпанската полиција уапси пет германски навивачи пред финалето на Лигата на Европа меѓу Ајнтрахт Франкфурт и Ренџерс.
Полицијата соопшти дека навивачите на Ајнтрахт биле приведени поради тепачка со шкотските навивачи и полицијата, околу полноќ во центарот на Севиља.
Тие фрлале цигли и маси од кафулињата и запалиле фрлале факели кон навивачите на Ренџерс и полицијата. Не е наведено дали во инцидентот има повредени.
Повеќе од 5.000 полицајци и стјуарди ќе бидат на должност бидејќи шпанските власти очекуваат да пристигнат до 150.000 навивачи од двата клуба.
Биилети, за финалето кое почнува во 21 часот на стадионот „Рамон Санчез Писуан“, повеќе нема.
De nuevo los hinchas del Eintracht liándola en Sevilla. Han lanzado bengalas y vasos contra los del Rangers. pic.twitter.com/veYnIJG3pV
— Leandro Iglesias (@leandrosexta) May 17, 2022
Спорт
Црна Гора на местото на Русија на ЕП

Кошаркарската репрезентација на Црна Гора по административен пат ќе се пласира на завршницата на Европското првенство. Натпреварувачката комисија на ФИБА Европа, предложи Црна Гора да ја замени Русија на Европското првенство. Собранието на ФИБА Европа конечната одлука ќе ја донесе в сабота, во Вилнус.
Според правилата, во случај некоја екипа да не може да учествува на првенството, нејзиното место го зазема тимот што имал најдобар учинок, но не се квалификувал. Со оглед на тоа што избраниците на Бошко Радовиќ се единствени со три победи кои останаа под линијата, тие се први на оваа листа.
Доколку нема непредвидени промени, избраниците на Радовиќ ќе играат во групата А во Тбилиси, со домаќинот Грузија, Шпанија, Турција, Белгија и Бугарија.
Четирите најдобри селекции ќе се пласираат во нокаут фазата која ќе се игра во Берлин.